UXT denuncia "una racha de privatizaciones" nos centros educativos de la comarca del Nalón

"La Federación de Servicios Públicos d'UXT na comarca del Nalón (FSP-UXT Nalón) denunció güei una ""racha"" de privatizaciones que, de manera sistemática, se vienen dando nos distintos centros d'enseñanza de la comarca.

Según el sindicatu, ""son continues les agresiones que vien sufriendo l'emplegáu públicu, la tendencia a privatizar servicios, como ta pasando col serviciu de llimpieza del IES de Cuadonga de L'entregu"".

El sindicatu considera que ""nun se pue permitir que n'época de crisis económica seyan los emplegaos públicos los que más sufran los recortes nel gastu y que n'época de bonanza económica tamién seyan los que más sufren la contención del gastu, por un supuestu control de la inflación"".

Poro exixen que se contrate'l personal necesario de les diferentes bolses d'emplegu que se formen a consecuencia de les oposiciones y piden a les direiciones de los centros d'enseñanza que tornen en collaboradores necesarios pa dar cobertoria a una deficienta xestión política."