Comunicáu Xunta Moza

"Apurrimos comunicáu de prensa de Xunta Moza, estaya de mocedá de la Xunta pola Defensa de la Llingua Asturiana, na qu'espliquen les razones que los lleven, na tarde del pasáu vienres, a enzarrase nel Rectoráu de la Universidá d'Uviéu.

Tres la decisión de la Xunta de Facultá de Filoloxía de suprimir l'asturianu de los nuevos planes d'estudiu, estudiantes y miembros de la Xunta pola Defensa de la Llingua Asturiana decidimos facer un encierru de forma indefinida'l vienres 27 nel Rectoráu de la Universidá d'Uviéu, hasta qu'esta situación se reconduciera.

MANIFESTAMOS QUE:

- depués d'aconceyanos col Equipu Rectoral y conocer la so disposición pa que nun heba tratu discriminatoriu pa cola llingua asturiana dientro de los nuevos estudios y comprometiéndose a qu'estos tengan el so espaciu científicu y académicu dientro de la Universidá d'Uviéu, decidimos poner fin al encierru nuna asamblea celebrada anueche.

- con too y con eso entendemos que'l camín ye llargu y nun vamos abandonar les nuestres reivindicaciones hasta que l'asturianu tenga un tratamientu científicu y académicu al máximu nivel. Les nuestres demandes son clares: los asturianos tienen derechu a estudiar l'asturianu na universidá y esta institución tien la obligación de garantizalo. Vamos siguir bien de cerca esti procesu de tresformación de les titulaciones y tamos preparaos pa siguir movilizándonos y defender lo que ye de derecho. Queremos agradecer les muestres d'apoyu recibíes nestos llargos díes d'encierru, tanto de xente vinculao a la Universidá -trabayadores, profesores y alumnos- como de persones particulares y colectivos de distintos ámbitos sociales. "