Francia retira'l contratu d'integración del Pactu Européu sobre Inmigración

"El ministru d'Asuntos Esteriores, Miguel Ángel Moratinos, aseguró la pasada selmana que l'últimu borrador del testu sobre'l Pactu eEropéu d'Inmigración que prepara Francia pa presentar a los sos socios comunitarios el próximu semestre nun fai referencia al contratu obligatoriu d'integración, tal y como pedía España.

Moratinos, que s'entrevistó en París col ministru francés d'Inmigración, Brice Hortefeux, señaló a la prensa qu'hai ""elementos"" qu'España nun considera necesario meter nel Pactu, que tien de ser ""eficaz y positivu"".

""Col respetu al ordenamientu llegal de tolos países nun fai falta nengún tipu de contratu"", argumentó'l xefe de la diplomacia española. Nesti sen, al entruga-y si Francia siguía cola so idea de nun mentar el contratu obligatoriu d'integración pa los inmigrantes nel borrador del testu, retrucó: ""el que yo vi, non"".

Poro, el ministru dixo que ta llegándose a un ""alcuerdu"" na redaición, onde la posición española quede espeyada y s'entienda ""perfeutamente"". Asina, sorrayó qu'España nun ye favoratible a la fórmula del contratu y mostróse convencíu de que ""nun va haber esti tipu d'alusión"". ""Si s'aplica la llei tendremos la meyor garantía"", insistió."