Carlos Suari presenta'l so poemariu "Orbayu d'alfileres"

Carlos Suari (Avilés 1982) presenta esti miércoles a les 20:00 hores na Casa Posafuelles d'Uviéu (c/La Cuesta la Vega, 10) el so poemariu "Orbayu d'alfileres" (Suburbia). Nel actu va tar acompañáu pola editora Silvia Cosío. Con esti llibru "culmina y clausura’l ciclu poéticu" que l’autor entamó en "Treslallende", escritu xunto col tamién poeta Berto García.

En palabres de la editorial, la poesía de Carlos Suari, "desprexuiciada y directa, cala nos misterios de la cotidianidá a la busca d’un sentíu fragmentariu de la existencia: el parte meteorolóxicu, el mobiliariu urbanu o les rimes radiaes de la cultura pop, valen-y al autor, ente munchos otros signos, de puntu de partida pa trazar una cartografía de los desamparos y los afanes del ser humanu modernu".

Carlos Suari (Avilés 1982) ye tamién l’autor del primer poemariu asturianu en Copyleft, "El mio cachu tírolu".