Xuristes pol Asturianu califica de vergoñosu'l reglamentu de la Universidá sobre l'asturianu

|

L'Aconceyamientu de Xuristes pol Asturianu califica de "vergoñosu" y "probetayu"'l proyeutu d’un “Reglamentu sobre presentación y receición d’escritos en bable/asturianu nel Rexistru de la Universidá d’Uviéu”, afitando amás que delles partes del mesmo son "nulos" por amenorgar derechos conseñaos na Llei del Asturianu de 1998.

Dende l’Aconceyamientu de Xuristes pol Asturianu llamenten "que de la cimera institución académica del país surda un testu xurídicu tan probetayu, al empar qu’alvertimos, enantes de que pase a les páxines del BOPA, que tol conteníu del párrafu 3 y la parte cabera del 2, entrambos del artículo 2 del talu Reglamentu, enxunto coles referencies a los mesmos notres partes del documentu, son nulos de planu por pretender aminorgar, nun testu reglamentariu, el conteníu d’un drechu –el d’empobinase al Principáu d’Asturies, de pallabra o per escritu, con validez a tolos efeutos, y ensin esceición dala per razón de la materia- proclamáu nuna llei, la 1/1998, d’usu y promoción del bable/asturianu (artículu 4), en claru incumplimientu del principiu de xerarquía normativa recoyíu nel artículu 9.3 de la Constitución."

L'asturianu nun puede usase en "procedimientos complexos"

Según conseña'l Reglamentu, "les solicitúes, alegaciones y cualesquier escritu que presenten los interesaos nos referíos procedimientos, asina como los recursos, reclamaciones y quexes que s'empobinen a los órganos xenerales de la Universidá".

Sicasí, el párrafu trés del artículu 2 del Reglamentu esclúi "los escritos redactaos en bable/asturianu qu'entamen o venceyen a procedimientos complexos, de tramitación urxente o plazos curtios de resolución, talos como los que cinquen a procesos electorales, reclamaciones frente a les pruebes d'accesu a la Universidá, solicitú de convocatories d'exame especiales o estraordinaries, incidentes de recusación o cualesquier otru que, poles razones espuestes, determine'l Rector, al traviés de Resolución motivada y previu alderique del Conseyu Rectoral".

Contador Estadistiques