Allá va la despidida

"N'ochobre del pasáu añu, y dempués de trenta años nos escenarios, Nuberu anunciaba la so retirada nel marcu de la edición del ""Xaréu d'Ochobre"" en Cangues d'Onís. Arriendes d'ello tanto'l propiu grupu como los siguidores más incondicionales, apuesten por facer del 2008 un añu enllenu de conciertos que celebren la historia y trayeutoria del míticu grupu. A lo llargo l'añu los componentes de Nuberu, Chus Pedro y Manolo Peñayos, va ufrir una serie de conciertos de diferente tipoloxía ente los que rescampla'l gran formatu, nel que la banda tará acompañada por dalgunos de los grupos que lo ficieron en Cangues d'Onís, faciendo un percorríu pela historia del grupu pente medies de la incorporación d'artistes ya instrumentos.

D'otru llau, y como una actividá más de les programaes, entamará a andar l'amuesa ""Ya llovió"" que, al traviés de la recoyida de materiales, videos, semeyes, discos y dellos oxetos, intentará averar al visitante a los primeros momentos del grupu con Camaretá, les lletres de los cantares que los ficieron famosos y el compromisu social y llingüísticu que s'amuesa nos sos discos."