Zaragoza acueye esti sabadu una manifestación "pola igualdá de les trés llingües" aragoneses: 'fabla', castellán y catalán

|

Zaragoza acueye esti sabadu una manifestación pola igualdá llegal y alministrativa de les tres llingües que se falen n'Aragón: el castellán, el catalán y la 'fabla' o aragonés, de cara a la futura aprobación de la Llei de Llingües na que trabaya el parlamentu d'esta comunidá autónoma.
 
La marcha ta convocada pola Coordinadora Aragón Trilingüe y va salir a les 12.00 hores de la Glorieta Sasera.
 
La convocatoria ta apoyada por delles organizaciones polítiques y sociales. Izquierda Xunida d'Aragón comunicó güei a Europa Press qu'una delegación d'esta formación va tomar parte nel actu.
 
El so coordinador xeneral autonómicu y diputáu nes cortes d'esta comunidá, Adolfo Barrena, fizo "un llamáu a ciudadanos y militantes pa que participen".
 
El parlamentariu señaló que "ye necesario que la nuesa futura Llei de Llingües recueya la singularidá del casu aragonés, permita y facilite la utilización de les llingües propies pola ciudadanía naquellos territorios nos que se falen y fomenten la so conocencia y conservación, porque ye un patrimoniu que nun se pue perder".

Contador Estadistiques