Atópase agua líquido en Marte

|

Detectóse agua líquido salao nuna de les pates de la sonda espacial Phoenix de la NASA . Esta ye la primer vez na hestoria qu'agua n'estáu líquido ye detectada y retratada fuera de la Tierra. Sigún ún de los investigadores principales de la misión, Nilton Renno, "un númberu garnde d'evidencies físiques y termodinámiques falen de que la presencia d'agua salao ye un fechu común en Marte".
 
 
 
La conclusión fundamental ye qu'agua destes característiques pue ser mui común na superficie del planeta bermeyu lo que lu sigue poniendo nel puestu más altu de la llista de planetes con posibilidaes d'agospiar, agora o nel pasáu, vida. Sigún el científicu "l'agua ye un ingrediente esencial pa la vida. Esti descubrimientu tien importantes implicaciones en munches árees de la exploración planetaria, incluyendo la de la habitabilidá de Marte".
 
Renno va presentar estos resultaos el próximu 23 de marzu na conferencia de ciencia planetaria y llunar que va cellebrase'n Houston.

Contador Estadistiques