El conceyu de L.lena diz que tamién va tener en cuenta l’asturianu pa poder trabayar na so alministración

|

Dende’l gobiernu de L.lena señalen que “tamos d’alcuerdu dafechu con tener en cuenta la formación de llingua asturiana pa poder trabayar nes alministraciones públiques, nesti casu nel propiu ayuntamientu”. Asimesmo “sofita totalmente les aiciones emprendíes pol Conceyu de Cangas, esperando que nun seya l’únicu ayuntamiento que lo faiga” y anima a tolos conceyos d’Asturies a “que faigan” lo mesmo.

Dende’l Conceyu, gobernáu por IX-BA-LV, conseñen que “en L.lena tamos agora cola catalogación de puestos de trabayu que va tar terminada pal mes de xunu, dempués d’esta catalogación van vese les necesidaes del Conceyu pa poder convocar una ufierta pública d’empléu y una de las cuestiones que se van tener en cuenta dende yá mesmo, ye la de valorar la formación de llingua asturiana pa les places que pudieren salir”.

L’equipu de gobiernu l.lenizu diz que “nun se trata de neguna imposición, les alministraciones públiques tienen que conocer les llingues que se falen nos sitios onde se trabaya. El ciudadanu ye’l que escueye la llingua que quier emplegar y dende les alministraciones publiques, los trabayaores tienen que garantizar esi usu”.

Finalamente señalen que “nun se pue valorar l’usu de la llingua sólo naquellos aspectos en rellación coles funciones del puestu de trabayu determináu,  ye dicir, palos Servicios de Normalización o p’actos como la selmana de les lletres,… La llingua asturiana o gallego-asturianu tien que ser tresversal en tolos servicios municipales. De otru mou, nun ye normalización social nin institucional y taríamos arrequexando nuevamente a la llingua asturiana y al gallego-asturianu al olvidu.”, y añaden que “pareznos que la formación en llingua asturiana o gallego asturiano tien que valorase al igual que se valoren otros cursos”.

Comentarios

Mui bien pol Conceyu de L.lena, norabona, igual que se critica lo malo hai qu'empodenrar lo bono. PUXA L.LENA

Pues sí, felicidaes a la xente de L.lena que debe ser l'unicu sitiu d'Asturies onde se fai daqué pola normalización.

Agora saltarán los de la FSA a lladrar.

A ver cuándo s'enteren, de qu'esto faise en favor de la IGUALDÁ

malditoastur@gmail.com
Ubuntu: el sistema Operativu na to llingua.

Bona noticia pa la llingua asturiana a ver si siguen l'exemplu otros conceyos. Puxa L.lena!!!

Ta perbién que faiga eso Pola Ḷḷena :D
A ver si s'animen más conceyos :)

El que nun quier taza, taza y media. A ver si prende la midida como cuando varios ayuntamientos declararon la oficialidá escontra'l criteriu de los desertores del aráu de la cai Fruela.
 

Mola la Pola!

Contador Estadistiques