El CAO va facer un actu de recoyida de semeyes n'Uviéu pa la campaña “Doi la cara pola Oficialidá”

|

Tres el conceyu xeneral cellebráu'l pasáu sábadu día 7 de febreru na Biblioteca Pública d'Asturies, el CAO prepara la continuación de la campaña "Doi la cara pola Oficialidá" con una serie d'actos de recoyida de semeyes que van facese de mano nes principales capitales de conceyu d'Asturies.
                
Según informa’l CAO al traviés d’una nota de prensa, el primeru de los actos va ser na Plaza del Ayuntamientu d'Uviéu’l próximu domingu día 22 de febreru a les 12:00.

Ye intención del CAO “reclama-y a la ciudadanía pa que se retrate col cartel de la campaña”. Amás “los miembros del CAO van contar con una pantalla onde van proyectase munches de les más de 8.500 semeyes algamaes, que se puen ver nel web oficial de la orixinal iniciativa doilacara.net, col añedíu de la proyeición de vidios de personalidaes asturianes qu'afalen a los partios parllamentarios a que s'incluya la Oficialidá na reforma del Estatutu d'Autonomía p'Asturies”.

 

Contador Estadistiques