La Xunta pide la dimisión de Vega y conseña les responsabilidaes d'IU y PSOE

La Xunta pola Defensa de la Llingua Asturiana aprovechó ayeri pa pidir la dimisión de Consuelo Vega y responsabilidaes polítiques a la Conseyera de Cultura y a los partíos firmantes del pautu de gobiernu pola ocultación de datos al Conseyu d'Europa.
 
La organización, nel marcu de la rueda de prensa con AXA conseñó que “nun pue dexar de pidir la dimisión inmediata de la Directora Xeneral de Política Llingüística Consuelo Vega, -por mentir y ocultar información sobre les consultes que l'Estáu Español, a iniciativa del Conseyu d'Europa, dirixó al Gobiernu Asturianu pa la ellaboración del últimu informe sobre'l siguimientu n'Asturies de la Carta Europea de les Llingües Minoritaries-".
Les crítiques tamién se dirixeron a la Conseyera de Cultura y a otros cargos políticos "de los que depende la dirección Xeneral de Política Llingüística" y a los partíos del gobiernu, IU-BA-LV y PSOE firmantes del pautu de gobiernu que según la Xunta "permite la política llingüística nefasta que carecemos".