El Bloque va presentar una iniciativa pa prohibir los toros

|

El Bloque felicita a Cataluña y Canaries pola prohibición de los espectáculos taurinos y va presentar na Xunta Xeneral una iniciativa pa qu’Asturies siga’l mesmu camín.

El Bloque por Asturies considera acertada y felicita pola decisión tomada ayeri, nel Parllamentu Catalán, d'abolir l'espectáculu taurín a partir de xineru de 2012, como asina tamién la prohibición d'esti tipu d'actividaes na comunidá autónoma de Canaries.  

“Nenguna sociedá, que se llame civilizada y racional nestos tiempos, puede dexar la tortura, el maltratu, el sufrimientu y la muerte d'animales por fines recreativos, artísticos, d'ociu o supuestamente culturales o identitarios”, afirmen.

La organización nacionalista diz tener claro que la imaxinación del ser humanu ye lo suficientemente grande como pa xenerar elementos o señes d'identidá d'una comunidá que nun pasen pol maltratu y la tortura a nengún ser viviente.

El Bloque por Asturies, al traviés del so diputáu Roberto Colunga, va presentar na Xunta Xeneral del Principáu una iniciativa p'abolir les corríes de toros n’Asturies.

 

Comentarios

 La vergoña ye que tuvieran qu'esperar al día depués de lo de Cataluña pa definise a la escontra. EL Bloque por Asturies combaya nel gobiernu del Conceyu Xixón que sovenciona con millones d'euros una "fiesta" sangrina, foriata y deficitaria:
elcomerciodigital.com/gijon/20090818/cultura/perdido-mucho-dinero-gijol

"-Pero este año habrá ganado bastante dinero.
-Si le dijera lo que he perdido, se asustaría.
-No me diga.
-Muchísimo dinero, porque el precio de la Feria es muy caro y las entradas muy baratas, así de sencillo. No hay ferias más baratas que las de Gijón y la de Burgos y así nos va, aguantando unos costes enormes, pero para nosotros no tiene ninguna rentabilidad.
-Pero tendrá pensado acudir al nuevo concurso...
-Me lo voy a pensar un poco. Tengo que hacer números y hablaré con el Ayuntamiento para buscar la fórmula. Este año el palo ha sido considerable.
-¿Pedirá que se cambie el pliego e, incluso, quitar el canon?
-Habría que cambiar varias cosas. Si queremos que en El Bibio se vea una gran feria tenemos que poner todos un poquito."

Lo pior ye que nun ye'l momentu. Tal y como tán les coses sociolóxica y políticamente na nuestra Xunta Xeneral, lo que vamos ver ye un exerciciu d'españolismu y una defensa d'Asturies como taurófila... y quedar como la gocha énte la comunidá internacional y cualquier persona racional.
Y ¿van dir los partíos y los asturianos nacionalistes mayoritariamente a la manifestación antitaurina de Xixón, o vamos dexar que se rían de nós como l'añu pasáu?
Mirái, mirái: http://www.youtube.com/watch?v=pC8URnmLrBc
 

Acuantayá qu'habían a tenese presentao esas iniciativas n'Asturias, mesmamente por IX que ía de suponer que nun sofita las touradas ya pa eso siempre touvo representación abonda na Xunta Xeneral. Nun ía muito pidir. Los partíos españoleiros valtaríanlas ya seique nun chegarían nin a votase, pero volven presentase por sistema cada X tiempu ya polo menos déixaslos conu culu al aire.

Contador Estadistiques