Lieberman diz que nun se pue constituyir l'Estáu palestín nel 2012

|

El ministru israelín d'Esteriores, Avigdor Lieberman, declaró que nun hai posibilidá de constituir l'Estáu palestín nel 2012, la fecha plantegada pol Cuartetu sobre Oriente Próximu.

"Nun hai nenguna posibilidá de que l'Estáu palestín se cree pal 2012", declaró Lieberman na rueda prensa posterior a la so entrevista col so colega rusu, Serguei Lavrov. "Ye necesario tener en cuenta la realidá" y ambes partes tán "bien lloñe" de llegar a un acuerdu sobre esti asuntu, añadió, citáu pola axencia rusa de noticies RIA Novosti.

El ministru israelín destacó tamién "el papel positivu" que desempeña'l Cuartetu de mediadores pa Oriente Próximu, sobremanera en materia d'economía y seguridá. "Tenemos qu'estimar al representante del Cuartetu, Tony Blair, polos sos esfuerzu n'ambos ámbitos", declaró. "La parte israelina sigue coles sos negociaciones indirectes colos palestinos y aspira a que pasen a ser directes", añadió.
  
El Cuartetu mentó en repitíes ocasiones l'añu 2012 como la fecha posible pa un acuerdu de paz palestín-israelín. L'entamu del diálogu indireutu ente israelinos y palestinos tuvo precedíu por una declaración nel mesmu sen.

Contador Estadistiques