Los cuentos de Pintar-Pintar percuerren Asturies

La editorial asturiana Pintar - Pintar acaba poner en marcha una guapa iniciativa pa dar a conocer los cuentos a les neñes y neños d'Asturies. Trátase d'ufiertar a los colexos, biblioteques y cases de cultura, esposiciones compuestes poles llámines de cuatro de los sos títulos n'asturianu, concretamente: "Chispina" y "el poema que cayó a la mar" d'Aurelio González Ovies; "poemes de carambelu" de Marisa López Diz y "De qué tará fecha la lluna" de Miguel Rojo.
Esta idea, patrocinada pola Conseyería de Cultura, sigue la llinia entamada pola Oficina Municipal de la Llingua de Xixón y la so ufierta d'esposiciones de diferentes cuentos n'asturianu a los colexos del conceyu.