Asturies va modificar l'IRPF pa gravar les rentes más altes

El Principáu va modificar el tramu autonómicu del IRPF pa gravar a les rentes superiores a los 100.000 euros, siguiendo d'esta manera los pasos d'otres comunidaes, como Cataluña.

"Punximos como llenda mínima los 100.000 euros p'aplicar midíes fiscales d'incrementu sobre'l tramu autonómicu del IRPF", dixo Migoya, que manifestó que se trata "de primeres d'un planteamientu xeneral nel que se va a trabayar".
  
Asina lo propunxo güei al conseyu de Gobiernu'l presidente del Principáu d'Asturies, Vicente Álvarez Areces, según indicó en rueda prensa la vocera del Executivu, Ana Rosa Migoya, qu'esplicó que'l Principáu decidió actuar non yá na política de gastos sinón tamién nos ingresos, de manera que "tolos ciudadanos contribuyan a salir d'esta situación de dificultá".
  
La conseyera indicó que'l Gobiernu "nun refuga dellos retoques n'otres tases", pero añadió que tovía ta por decidir y de momentu la única propuesta firme ye la reforma del IRPF pa les rentes altes.

6.000 asturianos afeutaos
 
Unos 6.000 asturianos cuenten con rentes superiores a los 100.000 euros y poro van pagar más nel IRPF tres la decisión del  del Principáu. Estos declarantes suponen el 1,1 por cientu del total de contribuyentes d'Asturies, cifraos nunos 542.000, según datos a los que tuvo accesu Europa Press.
  
En rellación cola nueva midida, la Conseyería d'Economía y Facienda del Principáu señaló qu'estudia "con axilidá" la subida de tipu, pero que de momentu nun se decidió cuántos puntos d'aumentu van aplicase.
  
Lo que sí afirmaron dende l'Alministración ye que la subida va desarrollase "en breve" anque tovía nun baraxa una fecha concreta. "Va desarrollase lo primero posible como'l conxuntu de midíes d'axuste", apuntaron en declaraciones a Europa Press.
  
Con esta decisión, anunciada güei pola conseyera d'Alministraciones Públiques y Vocera del Gobiernu, Ana Rosa Migoya,  el Principáu pretende actuar non yá na política de gastos sinón tamién nos ingresos, talmente que "tolos ciudadanos contribuyan a salir d'esta situación de dificultá".
  
Migoya dixo que'l Gobiernu "nun refuga dellos retoques n'otres tases", pero añadió que tovía ta por decidir y de momentu la única propuesta firme ye la reforma del IRPF pa les rentes altes.
 
Recortes de salarios
 
En cuanto al recorte del xornal de los funcionarios, Ana Rosa Migoya calcó en que'l mandatu del presidente rexonal ye que se trabaye, na parte que-y toca al Gobiernu autonómicu, pa llograr que los recortes seyan "equitativos y equilibraos", como afecten menos a los que menos ganen cumpliendo l'oxetivu final del 5% de recorte y d'afección a tolos conceptos retributivos de la nómina.