Xuventú Asturianista presentó la so imaxe nueva

|

Xuventú Asturianista presentó la so nueva imaxe. Amás, les mocedaes del PAS celebraron con escritores y xente de la cultura un homenaxe a les Lletres Asturianes.

La presentación fíxose dientro d’un “Homenaxe a los escritores en llingua asturiana, pola oficialidá”, na Llibrería  Alborá de Xixón, que la mocedá del PAS organizó pola mor de la Selmana de les Lletres Asturianes.

Nel actu, celebróse un recital d’autores asturianos y xente representativo de la cultura asturiana, ente los que tuvieron los escritores Vicente García Oliva, Sabel Tuñón, Xuan Santori, María Jesús Suárez, Inacio Rodríguez-Solar, Llucía Fernández Marqués, Rubén Rey, Helena Trexu, Esther García, l’hestoriador Javier Cubero o’l presidente d’El Garrapiellu, Tino Lozano. Lléeronse testos, amás de los de los propios autores, de Xosé Antonio García, Antón de Marirreguera, Andrés Solar, María Teresa González...

L’Homenaxe abriólu Xuan Pandiella, voceru de Xuventú Asturianista, que recordó la importancia de la lliteratura a lo llargo de tola historia pal caltenimientu y normalización de la llingua asturiana. Depués de les llectures hebo un un intermediu musical de cantares asturianos, por Jesús Garmón, que tocó temes como “Nun quiero coyer la flor” o “Chalaneru”, ente otros.

Darréu, Inaciu Galán, del Gabinete de Prensa y Comunicación del PAS, esplicó y desveló al traviés d’un audiovisual el llogotipu nuevu de la Xuventú Asturianista, que recueye’l verde como’l so color principal “por ser el color que más representa a Asturies, a la defensa del mediu ambiente, al derechu...” y el trisquel “por representar al continuu deprendizaxe, la evolución y el crecimientu, y el nun escaecer el nuesu pasáu”.

Amás, presentóse un audivisual y los folletos de la campaña que va distribuyise na Manifestación pola Oficialidá “pa recordar al Gobiernu d’Asturies, formáu pola FSA-PSOE ya Izquierda Unida-Bloque por Asturies, y al PP, que l’asturianu tien que tener l’estatus d’oficialidá, como drechu irrenunciable de tolos asturianos”

Comentarios

¿Esto ye la imaxe nueva?. Pues mui bien ,pues escelente, pues norabona...! :-(

Gabis

Contador Estadistiques