El BNG nun apoya'l Pautu Educativu porque nun tien en cuenta les llingües

|

El BNG comunicó a Gabilondo que nun se sumará al Pautu porque nun inclúi amenorgar los conciertos nin fai reconocencia espresa de los derechos llingüísticos.

La encargada d'informar al ministru d'Educación de la negativa del BNG foi la so diputada nel Congresu Olaia Fernández Davila, que, sicasí, valoró "los esfuerzos realizaos nel debate d'esti documentu", especialmente'l realizáu pol ministru, pa la busca d'alcuerdos.
  
Pal BNG "la educación ye un serviciu social y un bien públicu", y, por eso, l'oxetivu principal tendría de ser "ampliar la rede pública de centros educativos". Tamién critica que nel documentu nun se faiga "una reconocencia espresa de los derechos llingüísticos de les naciones del Estáu con llingua propia oficial".
    
En cualquier casu, la diputada nacionalista gallega tresmitió al titular d'Educación, Ángel Gabilondo, "la disposición y voluntá" de la so formación pa "poder llegar a acuerdos sobre los asuntos educativos que se tramiten en sede parlamentaria".

Contador Estadistiques