L'Unión Financiera gana n'A Coruña y pue sentenciar la primer eliminatoria pol ascensu a ACB el domingu día 20 en Pumarín

L'Unión Financiera Asturiana derrotó esta nueche al Leyma Natura pol resultáu de 64-70 nel primer partíu de la eliminatoria pol ascensu a ACB. D'esta forma, los de Guillermo Arenas pueden afitar el pase a les semifinales el domingu día 20 nel polideportivu de Pumarín. Les entraes yá tan a la venta con precios de 5 euros pa socios adultos (3, junior; y 2, infantil) y entraes de públicu a 15 euros (10, junior; 6, infantil; y 2, menores de seis años). Nel casu d’empate, habría un tercer alcuentru n’A Coruña.

Los otros resultaos del play-off d'ascensu son Ford Ford Burgos 91-70 Cocinas.com Clavijo, Ribeira Sacra Breogán 69-64 Peñas Huesca y Quesos Cerrato Palencia 62-61 Clínicas Rincón Axarquía.