V Alcuentros de Músiques Asturianes: ¿AÚ?

En 2016, naz el proyeutu musical nuevu d’una veterana y tres veteranos de la música folk n’Asturies nel que siguen desarrollando’l trabayu y la investigación que yá entamaren n’otres formaciones: la reellaboración de la música tradicional asturiana.


¿AÚ? Parte de pieces tradicionales y tamién de composiciones propies basaes en ritmos asturianos. Empleguen pa ello instrumentos presentes y habituales na tradición d’Asturies como l’acordión, el violín y la voz xunto con otros mui habituales dende va décades nos grupos folk como’l buzuki, la guitarra o’l bodhrán.


Componen el grupu: Rubén Bada (buzuki, guitarra y voz), Ruma Barbero (bodhrán), Marga Lorences (acordión) y Dolfu R. Fernández (violín y voz).
Hora: 19:30h.