Últimes adquisiciones. “Memento mori”

En payares celébrase'l Día de Difuntos pa rogar poles almes que tán nel purgatoriu y entá nun gocien de la presencia de Dios. Esta conmemoración formalizase na Ilesia católica nel sieglu XVI anque, yá nel añu 998, San Odilón afitara'l 2 de noviembre pa esti fin. La tradición siguió hasta los nuesos díes y dexó abondosos testimonios na cultura material y na tradición oral de los países cristianos y concretamente d'Asturies.

Esta esposición, estremada en dos espacios, amuesa una selección de los oxetos aciagos que se caltienen nel Muséu del Pueblu d’Asturies: corones, esqueles, recordatorios… que güei formen parte del nuesu patrimoniu.
Hora: