Transeúntes

"Pa llamar l'atención sobre un filme como Transeúntes sería cenciellu recurrir a la data dura y llanzar sobre la mesa información como qu'el so rodaxe tuvo llugar a lo llargo de dos décades en diversos formatos y cuntó con más de 6500 cortes de montaxe. Sicasí, estos factores palidecen al llau de la esperiencia final que la película supon, una esposición de 100 minutos a un bombéu d'imaxes sincopaes que condúcente a un trance gociosu nel que, ante los tos güeyos, pasa la epopeya de Barcelona, una ciudá en constante y doliosu tresformamientu. Tou ta en Transeúntes, y tou ye recoyíu y espuestu de manera tal que la sensación inicial d'amoriadura da pasu a una suerte de revelación, una euforia al traviés de la cual, por instres, percibimos la manera en que nueses mesmes vides fuéronse desfigurando y pasaron de ser un patiu de xuegos a un espaciu acutáu onde'l derechu d'almisión conviértese en dogma de fe"
Hora: 20:00h