RomeríesVarietès

Podría dicir que “RomeríesVarietès” ye un espectáculu de teatru musical, porque actores y músicu interpreten en directu una amplia gama de temes (pícaros, descaraos, murnios…).
Podría tamién dicir que ye un show de variedaes nel que se dan cita les previsibles escenes de tonu llixeru y cómicu, o los risonderos númberos de la nuesa Revista Musical más allocada. Ya inclusive podría dicir que ye una suerte de fiesta o romería de pueblu onde topamos elementos del folclore y la cultura popular. Tou eso ye “RomeríesVarietès”.
Y en realidá toa ye una gran mentira porque a lo último reivindicamos el necesariu poder de lo ficticio…
Hora: 20:00h