LXXV Temporada de Ópera de Oviedo: 'Hamlet'

'Hamlet' d'Ambroise Thomas, con llibretu de Jules Barbier y de Michel Carré basáu na traxedia homónima de William Shakespaere, estrenóse na Ópera de París nel 1868 con gran ésitu. La ópera harmoniza elementos de la grand opéra, como exa fundamental, xunto coles influencias de Gounod y de la orquesta de Berlioz.

Esti amiestu d'estilos artísticos da como resultáu una obra enormemente atractiva, con escelentes ocasiones de llucimientu pa los cantantes. La estructura del llibretu presenta de forma clara los episodios fundamentales de la traxedia shakesperiana, na que'l personaxe protagonista "convirtióse nun personaxe dramático de calter universal porque ye un iconu de la conciencia humana".

• Repartu: David Menéndez (Hamlet), Simón Orfila (Claudius), Alejandro del Cerro (Laërte), Javier Castañeda (el espectro del rey difunto), Josu Cabrero (Marcellus), Carlos Carzoglio (Horatio), Alejandro López (Polonius), Juan Laborería (primer sepulturero), David Barrera (segundo sepulturero), Béatrice Uria-Monzon (La reina Gertrude) y Sara Blanch (Ophélie).
• Direición musical: Audrey Saint-Gil.
• Direición de escena: Susana Gómez.
• Diseñu d'escenografía: Ricardo Sánchez Cuerda.
• Diseñu de vestuariu: Gabriela Salaverri.
• Diseñu d'illuminación: Félix Garma.
• Diseñu de videu: Rubén Rayán.
• Coreografía: Mauricio Villa.
• Direición del coru: Pablo Moras.

Cola Orquesta Sinfónica del Principado de Asturias y el Coro Titular de la Ópera de Oviedo (Coro Intermezzo).

Hora: 19.30h

Preciu: Dende los 33 € de butaca de xeneral a los 157 de palcu de platea (hai entraes a 16 € de visibilidá escasa o nula)