IX Primavera Barroca: Ensemble 1700

Poques dances hai de tantu ésitu como la folía, con oríxenes ibéricos –portugueses y españoles– que son, seguramente, mui anteriores a la so implantación definitiva a lo último del sieglu XV. Testimoniará la so dispersión per toa Europa'l conciertu del Ensemble 1700, que dirixe'l flautista de picu Dorothee Oberlinger, con Dmitry Sinkovsky cola doble faceta de cotratenor y violinista solista.

Les folíes penetren les obres de Falconieri y Vivaldi. Respuende al títulu '¡Alegrías furiosas!' l'aria vivaldiana d'una de les sos meyores óperes, 'Orlando furioso'. Nun llega a tanta escitación la emocionante cantata de Haendel y resulta de gran interés l'averamientu a la tan descuidada música de cámara de Telemann. Bach, Corelli y Storace completen la tarde.
Hora: 20h