Get Dead

Nel casu del quintetu de Bay Area, si la vida fuera monótona y aburrida, nunca saldría a la lluz el que va ser el so tercer trabayu. “Honesty Lives Everywhere” va ver la lluz a finales de xunetu de 2016, y el so primer single “Silence” ye una fantástica amuesa de lo que ye a día de güei una de les grandes revelaciones del sellu Fat Wreck Chords. El mesmu Fat Mike arreyóse na creación d'un discu eclécticu, grabáu ente un més d'intensu estudiu y llamaes de xefes, fíos y muyeres p'atender los llabores de cada unu de los miembros de Get Dead. Cantares d'amor y desamor, de viaxes por empezar y inconclusos, d'escosamientu, d'allegríes y penes, de vida y de muerte, faen del so próximu LP una pieza a tener bien en cuenta.
Hora: 21:00h