'Contemplación (Notes on blindness)'

Nel branu del 1983, sólo unos díes enantes del nacimientu del so primer fíu, l'escritor y teólogu John Hull quedó ciegu. Pa poder encontrar sentíu a esti cambiu terrible na so vida comenzó a llevar un diariu en cintes d'audiu. Cuando s'espublizaron nel 1990, Oliver Sacks describió esta obra como "l'informe más estraordinariu, precisu, fondu y hermosu sobre la ceguera qu'enxamás lleí. Na mio opinión, ye una obra d'arte". Con accesu esclusivu a estes grabaciones orixinales, 'Notes on blindness' axunta los suaños, los recuerdos, y la vida imaxinaria, llegando a lo más fondero del mundu interior de la ceguera.


Títulu original: 'Notes on blindness' (Reinu Xuníu, 2016).


Xéneru: documental-drama.


Direición y guion: Peter Middleton y James Spinney.


Repartu: Simone Kirby, John M. Hull, Marilyn Hull y Dan Renton Skinner.
Fotografía: Gerry Floyd.


Idioma: inglés.
Hora: 20:00h