Convocatories

Espectáculu de marionetes a cargu de Tragaluz Teatru onde'l personaxe principal, Janco, va contando delles histories, poemes y rellatos qu'atopa nun desván, metiéndose dientro de toos ellos.

A les 19 hores nel espaciu escénicu de la Factoría Cultural d'Avilés.

Entrada llibre.

Entama la Estaya de la Llingua d'Avilés en collaboración con 'Reciella. Families pol Asturianu'.

El movimientu sufraxista nació nel Reinu Xuníu en viésperes de la Primer Guerra Mundial (1914-1918). La mayoría de les sufraxistes nun procedíen de les clases altes, sinón que yeren obreres que veíen impotentes cómo les sos protestes pacífiques nun valíen pa nada. Entós radicalizáronse y, na so incansable llucha por algamar la igualdá, arriesgáronse a perdelo too: el trabayu, la casa, les fíes y fíos y la so vida.

A cargu de Ramón d'Andrés: "Novedoses aportaciones al estudiu de la llende llingüística ente l'asturlleonés y el gallegoportugués, apoyaes nun proyectu d’investigación ellaboráu nel occidente d’Asturies".

A les 19.30 hores na sede del Real Instituto de Estudios Asturianos (Palaciu Conde de Toreno, Uviéu).

Entrada llibre hasta completar aforu.

Entama'l RIDEA en collaboración col Seminariu de Filoloxía Asturiana de la Universidá d'Uviéu.