Uviéu acueye un alderique sobre la Transición, la memoria democrática y los procesos constituyentes

La revista de pensamientu críticu 'Viento Sur' homenaxa mañana al militante revolucionariu y periodista Miguel Romero 'Moro' col entamu d'una xornada de debate n'Uviéu baxo'l nome de 'Transición, memoria y procesos constituyentes'. Nél van participar Sabino Cuadra, diputáu d’Amaiur nel Congresu; Sandra Ezquerra, feminista y activista del Procès Constituent; y José María Galante 'Chato', de la Comuna de Presxs del Franquismo (CeAQUA).

 

Na xornada, que va presentar Tino Brugos, de la redaición de 'Viento Sur', van tratase cuestiones "como la Transición-Transacción; la memoria democrática y la impunidá de los crímenes del franquismu; el modelu d’Estáu y el debate monarquía-república; l’encaxe de les nacionalidaes nel Estáu español; la necesidá d’un procesu constituyente nuevu; y tolos asuntos que puedan surdir al calor del debate", informen dende la revista. L'actu, con entrada llibre, va tener llugar na sala 3 del Auditoriu d'Uviéu a partir de les 19.30 hores.