Espaciu y Tiempu de la Llingua Asturiana

Cronoloxia

Esta cronoloxía pretende facer un repasu a feches nes que pasaren acontecimientos que de d'una o otra manera supunxenon un fitu na hestoria de la llingua d'Asturies. Esta ye la nuesa clasificación que pol mesmu calter de la mesma nun dexa de ser arbitraria. Sicasí pue valir pa facese una idea de la evolución de la nuesa llingua nel tiempu.

2000: Diccionariu de la Llingua Asturiana

L'Academia de la Llingua Asturiana presenta'l primer diccionariu normativu de la llingua, que xunto les Normes Ortográfiques (1982), primer testu normativu, y la Gramática (1998) completen les llabores básiques de normativización de asturianu. Xosé Lluis García Arias dimite como presidente de l'ALLA pa dar pasu a Ana Cano.

2002: Llingua en peligru

La UNESCO alvierte'l sobre'l peligru en que s'atopa l'asturianu nel so Atlas of the World's Languages in Danger of Disappearing.

2004: Conceyu Abiertu pola Oficialidá

Ente l'entamu del procesu de reforma del Estatutu, más de cien asociaciones formen el CAO, agrupación empobinada pola Xunta pola Defensa de la Llingua que quier que'l nuevu testu estatutariu reconoza la oficialidá del asturianu. El CAO entama actividaes nesi sen, como por exemplu axuntar a más de 15.000 persones nuna manifestación pola oficialidá o la campaña "Doi la cara pola Oficialidá".

2005: Alcuerdu pola Oficialidá

La Presidenta de l'Academia de la Llingua, Ana Cano, presenta a partíos políticos, sindicatos, asociaciones y empresarios la "Propuesta d'alcuerdu políticu y social pa salvar la llingua y la cultura d'Asturies". El primer puntu de la propuesta ye la oficialidá, tolos partíos políticos representaos na Xunta Xeneral aceptan l'alcuerdu, menos la FSA que refuga'l primer puntu.

2007: El lleonés nel Estatutu

La reforma del Estatutu castellano-lleonés trai la inclusión de la protección, usu y promoción del lleonés como patrimoniu de la Comunidá.

Pages

Coneyería d'Educación y Cultura
Espaciu y Tiempu de la Llingua Asturiana
--Araz.net, © 2010. Tolos derechos reservaos.