Espaciu y Tiempu

10-11-2009

La directora de Política Llingüística calca na "fuerte promoción" que'l Principáu fixo del asturianu nos últimos años

La directora xeneral de Política Llingüística de la Conseyería de Cultura del Gobiernu asturianu, Consuelo Vega, calcó na "mui fuerte política" de promoción del asturianu que, según comentó, l'Executivu autonómicu vien desarrollando nes últimes décades. Dende'l so puntu de vista, esti llabor nótase nuna mayor presencia de la llingua na vida social y cultural, y nos medios de comunicación.

Lleer más

08-11-2009

El Gobiernu asturianu entama'l "II Día de les Ciencies Asturianes"

La Conseyería de Cultura, en collaboración cola Facultá de Bioloxía de la Universidá d'Uviéu, va entamar esti martes 10 de payares el "II Día de les Ciencies Asturianes". Dos van ser les actividaes programaes pa esti día. Darréu de la inauguración a les 12:00, va presentase'l llibru "Homo Sapiens: la epopeya d'un llinaxe", obra de Xosé María Fernández que resultó ganadora en 2008 del premiu d'ensayu Fuertes Acevedo.

Lleer más

06-11-2009

Ismael González Arias gana’l II Premiu “María Josefa Canellada”

La obra “Les puertes del paraísu” del escritor Ismael González Arias ta acabantes de ser premiada cola segunda edición del “María Josefa Canellada” de lliteratura infantil y xuvenil n’asturianu. El premiu, empobináu pola Conseyería de Cultura, foi dáu a conocer esti mediudía na Casa de Cultura “María Josefa Canellada” de Santolaya (Cabranes) y el xuráu valoró da-y por unanimidá’l premiu por “ser una novela dirixida a un públicu xuvenil, pero que pue interesar tamién a l’adultu”. La obra trata’l tema de la emigración asturiana a los Estaos Uníos a finales del sieglu XXI con una estructura qu’alterna dos planos espaciales (Asturies y los Estaos Uníos).

Lleer más

06-11-2009

Dende Zamora ñaz “Faceira”, una revista dixital n’asturianu

Ta acabantes d’espublizase’l primer númberu de “Faceira”, una revista en formatu dixital que dende Zamora quier investigar y divulgar el patrimoniu cultural del dominiu llingüísticu ástur. Escrita na nuesa llingua, la revista quier sirvir de puntu d’alcuentru ente tolos territorios que falen asturianu. Asina, el títulu de la revista fai referencia’l aprovechamientu de los pastos comunales. Pa ello, nesti primer númberu cuenten con artículos de renomaos espertos d’Asturies, Lleón, Zamora y Miranda.

Lleer más

06-11-2009

Pa Nicolás Bartolomé la Junta entiende que yá fizo abondo mentando la llingua nel Estatutu castellano-lleonés

Pal xurista Nicolás Bartolomé Peréz “el gobiernu de Castiella y Lleón nun tien nengún interés en promover la llingua, entienden que yá ficieron abondo mentando la protección del lleonés nel artículu 5.2 nel Estatutu”. Asina lo dixo nes Xornaes d’Estudiu qu’organiza l’Academia de la Llingua na Facultá de Filoloxía, onde’l xurista presentó la comunicación “La regulación xurídica de la nuesa llingua en Castiella y Lleón”.

Lleer más

Proyectu Caveda y Nava

Contacta