Vida tradicional

La mar

La pesca na mar y el marisquéu practicóse dende tiempu inmemorial n'Asturies, que, amás tien una plataforma continental perbayuro- sa que favorez la cría de munches especies "de ro- ca", a les que tenemos d'amiestar les migratories que, pel branu, arriben cola corriente'1 golfu. Dende la Edá Media, na que yá nel sieglu XIII apaez bien documentada la caza de "ballenas e ballenates," bona parte de les captures destinába- se a la salazón y 1'escabecháu, citándose tamién la esistencia de camineros lleoneses que Ilevaben "pescáu seco" a Castiella, anque la mayoría desti- nábase a los mercaos locales pal consumu en fres- co, nun desendolcándose les industries conserve- res fasta depués de la primer metada del sieglu XIX, algamando depués gran puxu nos puertos. La pesca, qu'entá se caltién coles artes tradiciona- les, yera y ye fundamentalmente de baxura y de calter familiar, n'embarcaciones pequeñes con po- ca tripulación que van a la sardina colos abare- ques, a la cacea o al tresmallu a la gueta de bára- mos, o a char el palangre o el pinchu pa la merlu- za y el besugu, o a char les ñases pa les llagostes, los centollos, les ñocles... ensin escaecer les coste- res, sobre tou la del bonitu de la que depende bo- na parte de la economía de los marineros, que tie- nen el so llabor marcáu por una fuerte estaciona- lidá de les captures.

Anterior / Siguir