Perspectives sociales

¿Cuála ye la so percepción -del 1 al 10*- sobre les perspectives de la sociedá asturiana sobre la normalización y la oficialidá en 2015?  

Media: 4.22

¿Piensa que la situación ye 1, 0 o -1 qu'en 2014?

Media: -0.13

La oficialidá ye un recursu llegal pa protexer a los y les falantes delante l’Alministración, y la normalización tien de ser l’ésitu d’un programa social y cultural que nun se tá moviendo con fuercia nos ámbitos de poder y gobiernu, por eso nun se dan nin una nin otra.

DANI G. DE LA CUESTA
Músicu y investigador de música tradicional

0 hai na sociedá y en dalgunos nuevos partíos parllamentarios (Podemos) una meyor actitú.

VICENTE GARCÍA OLIVA
Escritor

Cuérrese'l riesgu de cayer na dexadez y el desinterés. Esto ta siendo una llucha de desgaste. El puxu social va perdiendo fuercia.

ALBERTO ÁLVAREZ PEÑA
Etnógrafu

Per primer vegada 17 de los 45 diputaos de la Xunta Xeneral llevaben la oficialidá nel programa.

INACIU GALÁN
Presidente d'Iniciativa pol Asturianu

Creo que la sociedá, anque falta más “educación”, empieza a valorar cada vez más l'usu del idioma, un exemplu son les campañes publicitaries (Tierra Astur, McDonald's...), pero nada avanza n'Alministración.

DAMIÁN BARREIRO
Periodista

Esta pregunta respuéndese preguntando quién y cuánto invierte n'asturianu nesti país: Alministración, el 0,04 por cientu del so presupuestu (si ye bonu'l cálculu de XDLLA); empresa, el 0 por cientu; sindicatos, el 0 por cientu; asociaciones, el 0 por cientu; fundaciones, el 0 por cientu; iglesia, el 0 por cientu. Lo -1 ye que si preguntamos a los ciudadanos (empezando polos asturianistes, seya eso lo que seya), lo qu'invierten en llingua asturiana tamién sal un 0 por cientu.

ANTÓN GARCÍA
Editor

El novedosu posicionamientu a favor de la oficialidá de más partidos políticos fae que la sociedá vaya aceutando meyor y ensin problemes un futuru del asturianu como llingüa oficial.

AMADÉU BENAVENTE
Etnógrafu

Avanzóse na normalización del discursu, pero hai un techu de cristal que nun fuimos a francer na reforma estatutaria y la crisis vieno a agravar la situación.

FAUSTINO ZAPICO
Conceyal y profesor

Nos últimos años vemos más presencia del movimientu de recuperación llingüística n'Internet y nes redes sociales, pero muncho menor na cai. Paezme que la sociedá ye menos radical nos dos sentidos no que cinca a la llingua: hai menos militante, pero tamién menos reaccionariu. Creo que la sociedá ve cada vez más l'asturianu como dalgo normal, pero esto nun quita pa que la perda de falantes sía ablayante.

NACIU VARILLAS
Periodista

La batalla pola oficialidá ta perdida mientres nun s'avance nel consensu políticu pa defender la llingua. Y nun s'avanza anque tal vez haya nel Parllamentu rexonal mayores apoyos qu'en llexislatures pasaes. Pese a ello, el consensu ta mui llonxanu. Anguaño, inalcanzable.

ISIDRO MARTÍNEZ OBLANCA
Diputáu na Xunta Xeneral

A xente vei tendo cada vez máis interiorizada a non discriminación pola llingua. A oficialidá nun é úa meta, namáis un medio.

MIGUEL RODRÍGUEZ MONTEAVARO
Escritor