Espaciu y Tiempu de la Llingua Asturiana

María Teresa Villaverde 'Tuxa'

María Teresa Villaverde 'Tuxa'
Nacimientu: 
1882
Muerte: 
1934

Fía de María Dolores Generosa Villaverde y de Rosendo Villaverde Uría, una pareya de fidalgos, María Teresea Villaverde nació nel 1882 en Tornón, nel conceyu de Villaviciosa. Tuxa, como se-y conocía, estudió nes carmelites d’Uviéu y tuvo idees conservadores, cercanes al carlismu, y relixoses.

Asoleyó les sos primeres poesíes na prensa llocal, en concreto en ‘Villaviciosa’ y ‘Villaviciosa hermosa’, nes que tamién escribió cróniques d’actualidá baxo l’alcuñu ‘Un Coruxu’. Estos poemes son los que más se conserven xunto coles de les revistes del Centro Asturiano de Buenos Aires y ‘Asturias’ del Centro Asturiano de Madrid.

Ausente nes antoloxíes canóniques del so tiempu, parte de la so obra recuperóse na década de los 90 gracies a Etelvino González López y Xurde Blanco. L’autora maliaya escribió tanto prosa como poesía y teatru, y los espertos creen que pue haber creaciones d’ella por atopar en periódicos llocales onde espublizaba.

Tuxa finó ensin descendencia nun accidente de tráficu en Sariegu nel 1934, incidenten nel que tamién perdió la vida la so madre y la so tía Mercedes. Nel añu 2020, la XLI Selmana de les Lletres Asturianes tuvo dedicada a la so figura, espublizándose un llibru obra de Lluis Portal dedicáu a la so figura baxo’l nome ‘Postrer adiós. Prosa, poesía, teatru’.

Noticies
Deprendi Asturianu
La Llingua Asturiana
Archivu oral
Proyectu Caveda y Nava

Cola ayuda de

Coneyería d'Educación y Cultura

Espaciu y Tiempu de la Llingua Asturiana
--Araz.net, © 2010. Tolos derechos reservaos.
Contador Estadistiques