| Noticies de Mozilla |
5 de Xunu 2002 |
|
|
Mozilla 1.0: el primer navegador n'asturianu
La cabera versión de Mozilla, Mozilla 1.0
yá ta afayadiza n'asturianu.
Bienveníu a la fueya de Mozilla n'asturianu
Mozilla ye un proyeutu pa desendolcar un navegador d’internet rápidu, compatible,
y de códigu abiertu. La versión más moderna de Mozilla ufierta un navegador
perrápidu, y una riestra de ferramientes como corréu lletrónicu POP o IMAP
que furrula con una o varies cuentes, serviciu de grupos de noticies, llibreta
de señes, iguador de fueyes web, y un veceru d’IRC nomáu Chatzilla. Pruébalu
y compara la velocidá col navegador que tas usando agora.
L’asturianu ye una de les llingües más actives d’esti proyeutu apurriendo
a los falantes d’esta llingua les versiones más modernes d’esti navegador
en pocos minutos o hores. L'asturianu ye una de les tres llingües, xunto col inglés, que salieren al ratu de llanzase Mozilla 1.0. Si entá nun tienes instalada la cabera versión de
Mozilla n’asturianu, pues descargala equí. Si
tienes una versión de Mozilla n’otra llingüa y te prestaría que’l to Mozilla
falase asturianu, calca nel menú Ver, y vete a Llingües y Conteníu de Rede
pa descargar un paquete que camude la llingua del to navegador a asturianu. Pa más información visita www.mozilla.org
|
|
|
|
|
|
|
|
|
Mozilla ye un proyeutu pa facer n’andecha un navegador de códigu abiertu,
rápidu y compatible colos nuevos estándares d’internet. El proyeutu ye perñidiu,
permitiendo que cualquier persona garre’l códigu y lu remane pa meyorar el
programa. Si los cambios son buenos, pueden incorporáse al productu.
Munches compañíes tan interesaes n’esti proyeutu que-yos permite coyer el
códigu y facer la so marca comercial (Netscape, AOL, o IBM Web Explorer son
navegadores basaos nel códigu de Mozilla). Con Mozilla tas emplegando la versión
más moderna d’esos navegadores, pero ensin marca comercial.
|
|
|
|
|
|
|
Mozilla ye un
navegador de códigu abiertu, diseñáu pa cumplir con estándares de compatibilidá,
rapidez y portabilidá. Pa saber más pues lleer más en Mozilla at a Glance
(n'inglés). Apúrrense ficheros binarios pa probar y mandar comentarios. Prueba
Mozilla y mándanos los tos problemes a report bugs
(n'inglés).
Mozilla 1.0
Mozilla 1.0
ye la cabera versión. Llea les notes de la versión
pa ver les instrucciones y problemes que yá se conocen. Emplegando les versiones
con "talkbalck" usté ayuda a identificar los problemes más comunes y a que
s'arreglen rápido.
Bloques Nocturnos
Faense tolos díes a partir del trabayu del día anterior,
pue que furrulen o que non. Pues usalos pa ver si un problema qu'usté ta
mirando si s'arregla, yá furrula bien.
MacOS 9,
MacOS X,
i386 Linux,
Windows, etc
|
|
|
|
|
