 |
|
||||||||
Percusión Asturiana |
 Tambor que presenta como peculiaridá que foi fechu d'una sola pieza d'arbol. Yera de
Xosé la Piedra, Villapendi, Mieres. |
El tambor n'Asturies siempre foi l'hermanu ximielgu de la gaita y el más
popular y reconociu. El nuesu tambor nun ye ni más ni menos que'l
tambor d'Infantería de la época Napoleónica, que sal
del ámbitu militar ya incorpórase a la música tradicional, quizás
durante la Guerra la Independencia o les Guerres Carlistes. L'orixe los colores roxu y azul de Prusia
ya la de los colores del exércitu d'entós.
Estos tambores pudieron vese nel Exércitu
Español hasta 1948.
Ta compuestu xeneralmente por tres pieces de maera o "aros"
o por una serie tablilles en forma de círculu. Estes 3 pieces de
maera van xuníes por cuerdes tensaes por cintas de cueru "tensores,
apretones o templaderes". Ente un aru de maera y otru
alcuentrense los "parches", tela de piel
ensin curtir tensada so la que percútese y principal productora
del son. Suel ser de corderu (nun ye recomendable), d'oveyes o de cabritu.
Sol parche caberu hai 4 guitarres de
tripa gochu estirada, que puen afinase con una "mariposa
d'afinación" situada a un llateral; les guitarres son
tires que vibren por simpatía a un parche y que meyoren el son xeneral del
tambor. La construición de la caxa a base d'encolar tablilles foi un "trucu" (nel sentíu que-y daba menos trabayu, quedaba más vistosu, y por ello podíase vender a meyor preciu, tal comu-y confesó'l mesmu'n persona hai yá munchos años a Carlos M. García, constructor de Gaites de Xixón) que introduxo un constructor de tambores, Elías "el de Villabona", y que por ciertu, da peor resultáu, porque les tablilles tienden a desencolarse cola tensión. La construcción tradicional siempre fízose enrollandu sobre sí mesmu un llistón de maera humedecía y secada dientru d'un molde. |
Principales tamboriteros antiguos y la so escuela:
Escuela central:
