NOTICIES Asturshop Estadístiques E-mail

Percusión Tradicional Asturiana
Instrumentos Idiófonos
  • Tarrañueles:
    Instrumentu compuestu por dos tablilles iguales (unes dos pulgáes de llargor)de maera que, colocáes ente los deos fáense repiquetear acompañando la melodía.
  • Payel.la:
    Ye en realidá una sartén de rabu llargo que suxeta por dos deos xuntu'l cazu, dexando el rabu colgar, ráspase con una llave. Suelse tocar sentáu acompañáu d'una pandereta nel cantu y bailles.
    		•

  • Castañueles:
    Castañueles de tamañu mayor que les andaluces y más grueses, xeneralmente talláes con símbolos celtes. Tóquenles les muyeres nel baille y cante, siendo'l so soníu grave y seco.

  • Pitinos: Castañueles de tamañu perpequeñu que s'escuenden ena palma de la mano y fáense sonar al chascar los deos pulgar y corazón. Tóquenlos los homes nel baille y el so soníu ye más agudo qu'el d'una castañuela normal.

    		•

  • Les conches: Dos conches de vieires frotáes ente si, exerciendo la palma la man de caxa resonancia. Aparez nes zones costeres próximes a Galicia.

  • Llata Pimentón: Llata percutía con ambes manos sentáu. Asóciase al final de la matanza'l gochu.

  • Les Cuchares: Dos cuchares suxetes ente los deds (de parecía manera a les tarrañueles) que fáense repiquetear y golpear sobre les piernes al son de la música.

  • Botella de sidra: Dos cucharielles de café insertes ena boca d'una botella fáense rebotar al percutir el culu la botella so la mesa.

    • Instrumentos Membranófonos

  • La pandereta: Parche con bastior recubiertu de ruxideres que se percute cola man. La manera de tocala varía dependiendo la zona d'Asturies incluso la propia pandereta.

    Nel Oriente suelen ser d'unos 20 cms de diam. Utilízanse pa acompañar a los ramos recubriéndoles de cintes, suxetense cola man izquierda y lánzanse al aire cola drecha al pasu'l Ramu.

    Nel Occidente y Centru suelen ser de 30 cms de diam o más con un aru de 6/7 cms y una única fila de ruxideres o bien dos n'algunos casos. Aquí suxétase cola man izquierda de manera vertical y percútese colos deos de la drecha en forma de C (tolos deos xuntos exceutu el pulgar) acompañando muñeires, fandangos, gallegáes, pasodobles, saltones...

    Nel Suroccidente lleven dos files de ruxideres y son d'unos 30/40 cms de diam. Aquí la pandereta percútese con ambes manos a la par que se suxeta (como nel panderu cuadráu). Nesta zona son típicos el Baille d'arriba, los fandangos, xotes...

    Por último, nel extremu Occidente la pandereta ye d'unos 15 cms de diam con doble fila de ruxideras (ferreñas ya per allí) al igual qu'en Galicia. Sostiénse y muévese cola man drecha y la man izquierda permanez estática en forma de C pa recibir la percusión.

  • Banu o Bañu:
    Trátase d'un panderu circular d'unos 60 cms de diam, con parche de piel suxetu por un aru de maera, que marca el ritmo y los pasos nel baille. El so orixe provien como aperu llabranza p'aventar el granu.

  • Panderu cuadráu: Panderu de forma cuadrá con parche por ambes cares en cuyo interior hay varies cuerdes de tripa tensáes de llau a llau y dalgunos garbanzos, perdigones ó cantos de ríu. Suxétase colos deos pulgar ya índice d'ambes manos mientes se tamborilea col restu. El panderu cuadráu foi perpopular en toa l'España del XV y XVI anque hoy tan solo se conserve en Galicia, Asturias y Lleón.

  • Pandoiro: Trátase d'una pandereta de doble fila de ruxideres pero con un mangu que utilízase ena zona de Cabrales pa'l Corri-corri.

    		•
  • Bombu:
    Bastidor cilíndricu de maera con dos parches enos sos extremos d'unos 50/60 cms de diam. tensáos con cuerdes y tensores (apretoneres). Tocáu con una maza acompañaba al tambor y la gaita nes antigües bandines.
    		•

  • Otros: En definitiva la percusión tradicional busca acompañar en cualquier momentu la música o la danza, bien fora al finalizar la llabranza, la siega, la matanza o ena cena de nuechebona. Ye por eso que podríanse añadir munchos otros como la botella d'anís, palmes, llates, caxes...

    Toles semeyes d'esta páxina tan feches por Pablo Arce