|
Info-Web Gaita Asturiana
Info-Web gaita asturiana ye un serviciu gratuitu d'envíu de noticies acerca'l mundu la gaita
a los sos suscriptores.
Info-Web gaita asturiana obtien la so información d'aquella xente que quier difundir
daqué d'interés común de los gaiteros. Por ello nun se responsabiliza de la posible falsedá
o error d'algunes d'elles, asína como de les sos repercusiones nos distintos ámbitos.
19-XII-2001
Corvera d'Asturies na Lliga de bandes gallega
Asturies ya vien teniendo últimamente constante presencia nel campeonatu vecín, pero por primera vegada
una banda decídese a participar nel campeonatu y nun ser invitada a sólo una fase. Ye la banda
de Corvera que foi inxertada en segundu gráu por ser la primera vegada en participar.
Informa: Rafa Blanco
18-XII-2001
Paralizá la Banda Principado nel Parlamentu asturianu
El proyeutu de la Banda Principado xestionáu dende la Direición Xeneral de Cultura del Principáu
cola Asociación Remis, foi paralizáu na Xunta Xeneral del país. Una enmienda presentá dende'l grupu
parlamentariu d'Izquierda Xunida vino a apoyar les quexes que dende la FIGA veníense faciendo so
irreguralidáes na seleición de gaiteros, asína como los gastos que parten del so presupuestu anual
de 25.000.000 de pesetes, unos 150.000 euros. Los representantes de la FIGA ataviáos de gaiteros,
tuvieron presentes durante la sesión na que la Xunta Xeneral en vista de les protestes decidió
conxelar el desarrollu de la banda fasta que se garanticen unes condiciones favorables y d'igualdá
pa ello.
El títulu de gaiteru sedrá oficial
El Ministeriu d'Educación y Ciencia incluyó la gaita ente los nuevos instrumentos aceptáos como
títulu oficial de Conservatoriu Musical, y por tanto con títulu avaláu pel mismu Ministeriu.
16-XII-2001
El Muséu la Gaita de Xixón prepara la so web oficial
El Muséu la Gaita de Xixón tá preparando la so web oficial na rede, que tará incluyía na del
Ayuntamientu de Xixón, dientru'l so apartáu de cultura. La web expondrá toos los fondos del Musáu,
asína como numerosos datos non incluyíos fasta agora en nengún llibru nin catálogu.
La presentación espérase nun breve tiempu.
Informa: Fonsu Fdez. Direutor del Muséu la Gaita
Izquierda Xunida interpela al parlamentu pola Banda Principado
El diputáu de la Xunta Xeneral del Princiáu, Valledor, d'Izquierda Xunida d'Asturies,
presentó en rexistru el vienres 14 d'avientu una pregunta al Conseyeru de Cultura so cuál
foi la fórmula seguía pa la seleición de gaiteros pa la banda "Principado de Asturias". Esta
iniciativa foi determiná tras reunión de representantes de la FIGA con diversos grupos políticos
del Parlamentu Asturianu.
Informa: Velu Muñiz (Director B.G. Candás) y La Voz de Asturias
Más bandes asturianes na Liga Gallega de Bandes
La banda de Corvera d'Asturies tocará na primera fase de la liga Gallega de bandes de gaites,
na localidá de Viveiro el 23 d'avientu.
15-XII-2001
La Bandera d'Asturies tamién ondeó nel Obradoiro
Ente más de 6.000 gaiteiros finalmente, pudo vese ondear la bandera asturiana esta mañana na Praza do Obradoiro de Santiago de Compostela, nos actos de celebración de la toma de posesión del presidente de la Xunta de Galicia, D. Manuel Fraga.
La Banda Gaites de Candás y la de Corvera d'Asturies contábanse ente los más de 1.500 gaiteros veníos dende fuera de Galicia. Dende Glasgow (Escocia), Irlanda, Bagad Kemper dende Bretaña, Centro galego de Nüremberg (Alemania), Suiza, Portugal, Bonos Aires y Ribadavia (Arxentina), Barcelona, Cornellá, Madrid, Pamplona, Santander, Valladolid y Ponferrada llegaron gaiteros para tocar O Himno do Antigo Raiño de Galicia y A Muiñeira, pieza compuesta por Xosé Lois Foxo para l'actu.
Les bandes non solo ocupaben tola plaza, sinon que distintes bandes destacáes colocáronse nos balcones del Pazo de Raxoi y el Hotel dos Reis Católicos, asína como un representante de ca rexon asistente nes torres de la Catedral. Para finalizar esta sorprendente concentración de gaiteros, la Real Banda de Ourense interpretó l'Himnu de Galicia y repitióse la Muiñeira por toes les bandes participantes.
Tres gaiteros resulten feríos nos actos de Santiago
Un gaiteru de la Real Banda de Ourense y dos pandereteiras de la Casa de Galicia en Valladolid tuvieron que ser atendíos nel hospital de Santiago a causa de la explosión de diversos artefactos caseros (petardos) na Praza do Obradoiro, xusto'l finar l'última pieza. Los artefactos foron lanzáos por estudiantes de la Universidá que aprovecharon l'eventu pa protestar escontra la LOU.
11-XII-2001
Xornáes de música tradicional en Mieres
Durante la tardi de güei ya el martes que vien (día 18 d'avientu) celébrense na Casa de Cultura del Conceyu Mieres unes xornáes de música y baille rexonal a cargu d'instrumentistes del conceyu ya otros grandes gaiteros como Diego Pangua ya Óscar Fernández. Les actuaciones son gratuites y comiencen a les 20:00h.
5.000 gaiteiros para Fraga
Esti sábadu más de 5.000 gaiteiros desfilarán peles cais de Santiago de Compostela y finalizarán na Plaza del Obradoiro tocando toos xuntos una Muñeira compuesta en honor de la IV proclamación como Presidente da Xunta de D. Manuel Fraga Iribarne. Distintes bandes gallegues asistirán veníes de toa la xeografía española y nesta ocasión la banda participante d'Asturies será la de Candás (na anterior ocasión acudió la banda Ciudad de Oviedo).
Y tras Fraga ... el Campeonatu
Les bandes de la rexón vecina nun van folgar esti mes nin munchu menos, pues pa munches esti fin de selmana en Santiago servirá-yos d'ensayu pa la 1ª Fase do XII Campionato de Bandas de Gaitas Galegas que se celebrará el domingo 23 de diciembre en la localidad lucense de Viveiro . Este año las 3 fases del campeonato gallego se celebrarán en Viveiro, Viana do Bolo y la final se disputará en la ciudad de Valladolid. Además este año también se espera la participación de una banda asturiana, la Banda Gaites Villa Mieres.
6-XII-2001
El Muséu la Gaita de Xixón incluy una nueva gaita
El Muséu la Gaita de Xixón incluy dende esta selmana una nueva gaita, trátase del Sac de Gemés, una gaita española mediterránea, de la que el muséu non poseyía ninguna copia.
Dos alcuentros d'artesanos para esti fin de selmana
Dos alcuentros d'artesanos coincidirán en feches durante esti fin de selmana del 8 y 9 d'avientu. El primeru y más importante será el que se celebrará en Taramundi, onde artesanos d'Asturies y Galicia van a hermanase pa compartir los sos conocimientos y experiencies. Cabe destacar la presencia de José Ángel Hevia coles sos gaites allí y la presentación de les gaites de Les Xanes (Stu. Adrianu). El segundu alcuentru será en Llanes durante los mesmos díes.
26-XI-2001
Asociación de Grupos Folklóricos de Siero
Nel Conceyu de Siero tán en procesu formación d'una asociación de grupos folklóricos (Bandes de Gaites y Baille Rexonal) qu'aúne la zona. Los grupos implicaos nel proyeutu son de momentu:
*G.F. Principado (Llugones)
*Grupo de Gaites Nalgañu
*G.F. El Orpín
*G.F. Los Campones
*G.F. El Piñote
*Banda de Gaites El Piñote
*G.F. El Ventolin
*G.F. San Félix de Valdesoto
Informa: Pablo A. Díaz
Correximos la Web de Mori
Nel últimu Info-Web incluyímos mal l'enlace a la web del luthier Mori, la dirección correuta ye: http://es.geocities.com/gaitamori/
20-XI-2001
La FIGA planta-y cara a la Banda Gaites Principado
La Federación Internacional de Gaiteros Asturianos muestra un enérxicu rechazu al proyeutu de creación de la Banda Gaites Principado, proyeutu qu'intenta llevar a cabu la Conseyería de Cultura'l Principáu d'Asturies xuntu la Asociación Remis Ovalle que preside Javier Tejedor. La FIGA redactó una protesta a la Direutora de Cultura'l Principáu ena que critiquen d'arbitrariedá ena seleición de los organizaores d'esta banda al non cuntar con ellos, la mayor agrupación de gaiteros d'Asturies, marxinación ena seleición de gaiteros a la mesma vegada que proponen la so dimisión nel cargu. La FIGA más anuncia más actos de protesta al respeutu.
Per otru llau Javier Tejedor, coordinador del proyeutu, reitera que la Banda Gaites Principado tá abierta a toos y tóu aquel que quiera participar pue facelo.
Mori únese a la gaita ena rede
El luthier de gaites Mori estrénase n'internet cola so páxina en http://www.geocities.com/gaitasmori
18-XI-2001
Nueva Fábrica Gaites: Hevia, Parrado y Aragón
El día 14 payares inaugurose na llocalidá de Guadarrama (Madrid) la nueva fábrica gaites
"Hevia, Parrado y Aragón", empresa qu'entama'l gaiteru José Ángel Hevia y na que tamién
participen dos luthieres cordobeses. Nella fabricaráse gaita asturiana (d'ente 160.000 a 250.000 ptes),
flautes y dulzaines castellanes. Les gaitas fadránse industrialmente incluyendo una parte artesanal nel
retoque los furacos del punteru. Fadrán la so presentación n'Asturies el 28 payares nel auditoriu
Príncipe Felipe d'Uviéu. http://www.arhpa.com
Informa: José Ramón Cuesta (xerente de Hevia, Parrado y Aragón)
Santu Adrianu: "La nuesa intención ye entamar en xineru"
Asina respondió l'Alcalde de Santu Adrianu a les demandes de la prensa so la apertura de la fábrica
de gaites nel Conceyu. Na entrevista concedía'l diariu "La Nueva España" del xueves 15 payares,
afirmó que la fábrica trataráse d'una sociedá anónima con participación del Principáu d'Asturies,
Conceyu ya inversores privaos. Además resaltó que "nun yera tan descabellada la idega de crear gaites
de manera industrial, pues tamién xurdió la empresa d'Hevia". Abogó pola collaboración con esta
empresa recién que dirixe'l gaiteru maliayés y destacó'l conveniu collaboración cola Universidá
d'Uviéu nel estudiu la gaita.
Fuente: "La Nueva España"
Congreso de artesanos astur-galaicos
El próximo 8 d'avientu, na llocalidá asturiana de Taramundi, celebraráse la reunión ente
artesanos de gaita asturiana y gaita gallega. Los artesanos mostrarán los sos productos
y entamaronse discusiones acerca la gaita.
Denuncia'l Conceyu d'Uviéu
El sobrín de Manolo Quirós presentó una denuncia ante'l Conceyu d'Uviéu, por nun avisarlu la convocatoria d'examen
pa optar a la plaza de profesor de la escuela música tradicional, a la cual inscribiose. Según esti,
enteróse l'examen tres la so facendera y acusó de convocalo sólo "pa d'algunos".
De les 8 persones inscrites, sólo 6 presentáronse al examen correspondiente, según la Conceyalía
de Cultura del Conceyu, y que la fecha y llugar publicáronse nel tablón d'anuncies del consistoriu.
Más Gaita en Internet
Nueves páxines n'Internet de bandae de gaites: la web de la banda gaites Villa de Mieres estrena
nueva web (en contruición): http://www.bandagaitesvillamieres.com .
Dende Galicia la banda campeona de numberosos certamenes de la Lliga Gallega estrénase n'Internet: http://www.bandadegaitasdecea.com (Informa: Jacobo Novoa, el so direutor).
Además comentar que'n Galicia, nas reuniones de la Federación de Bandes Galleges, estudiase nesti
momentu facer una páxina web a semexanza de la "Web de la Gaita Asturiana", en palabres de
Fernando Dopico (direutor de numberoses bandes, ente elles Xinzo de Limia y Ferrol) a los responsables
d'esta web.
10-XI-2001
II Encuentro Folklórico en San Martín de la Carrera/Nalgañu
Los días 10 y 11 payares tendrá llugar na Carrera (Sieru) el II Alcuentru Folklóricu San Martín
de la Carrera-Nalgañu, organizáu pol Grupu Gaites Nalgañu:
Programa:
Sábadu 10 Payares
17.00- Pasucais hasta les escueles de la Carrera
18.00- Entamu'l Festival
Grupu Folclóricu Peña´l Vientu (Campu Casu)
Grupu Folclóricu Pozu Salau (Sariegu)
Seición de Gaites del Grupu Folclóricu Xovellanos (Xixón)
Coru de Vega de Poja (Siero)
Coru y Ronda Altamira (Cantabria)
Grupu Folclóricu Ventolín (Sieru)
Grupu de Gaites Nalgañu
Tres les actuaciones procederáse al repartu'l bollu ente los socios y habrá una espicha
y pincheo pa too'l que s'avere a presenciar l'Alcuentru.
Domingu 11 Payares
Cellebración de la Eucaristía a les 12.30 na Ilesia'l Berrón
Villaviciosa vende les sos gaites en Sib ya caxes
La Banda Gaites Villaviciosa "Sidra El Gaitero" vende les sos gaites en Sib y les sos caxes Andante
por renovación de material. Aquellos que tean interesados en mercales puen contautar col so direutor
Miguel Alonso.
Informa: Velu Muñíz
El vídeu'l Campeonatu de Bandes
En breve saldrá a la venta'l vídeu del I Campeonatu Asturianu de Bandes de Gaites organizáu pola FIGA
y que celebróse'l pasáu 7 d'ochobre'n Xixón. Interesados deben ponese en contauto cola FIGA.
5-XI-2001
Nueva Banda Gaites en Llugones
El próximu día 10 de payares daráse a conocer la nueva "Banda Gaites Llugones" ena Casa de Cultura del Conceyu del mesmu nome. Esti nuevu conxuntu que apaez nel mapa asturianu de les bandes tá dirixíu por Eugenio Otero, direutor a la mesma vegada de la Banda Gaites Llariegu, reciente venceora del I Campeonatu Bandes de Gaites Asturianes.
Informa: Rubén Suárez
4-XI-2001
L'Intercélticu Lorient emigra a París
El Festival Intercélticu Lorient tendrá la so sede durante un día na capital del Sena pa promocionase per toa Francia. L'espectáculu que celebraráse na primavera nel Estadiu de Francia con 600 músicos de les naciones celtes, será retransmitíu a nivel nacional por TF1 (ya tán agotáes toes les localidáes).
Fonte: Journal Ouest-France
Arranca'l Macallan de gaita escocesa
El 5 mayu na ciudá de Melbourne (Australia) tendrá llugar el preliminar del Troféu Macallan de gaita escocesa cuya final celebraráse nel Festival Intercélticu Lorient n'agostu, dedicáu esti añu al país de Gales.
Fonte: http://www.festival-interceltique.com
Morea d'Ayer celebra los Humanitarios
El próximu domingu 11 de payares Morea enllenaráse de carroces, xandes, grupos de baille y bandes de gaites col fin benéfice de la asociación de los Humanitarios. Esti añu desfilarán por Morea les bandes Mieres del Camín, Esbardu, la campeona Llariegu y La Viga Travesá.
Trébede alcuerda a Quirós na Payoza de Balboa
Esti fin de selmana, 2 y 3 de payares, na Payoza de Balboa, (Villafranca'l Bierzu) celebraráse un alcuentru gaiteros organizáu por Iñaqui Peña (Radio 3 Trébede folk) onde se realizará un Homenaxe a Manolo Quirós, participarán representando Asturies, Hevia, Xuacu Amieva, Flavio Benito, Felpeyu y la banda Gaites El Texu. (Banda de Manolo en Quirós).
La Payoza de Balboa foi'l últimu llugar onde Manolo actuó en públicu l'añu pasáu, pocos díes más tardi d'esta actuación cayería enfermu.
Informa: Pedro Rodriguez (Xudefas)
29-10-2001
La gaita asturiana nun para en Tómbola
Durante esta selmana pudimos ver en revistes del corazón y programes del xéneru en toos los canales a dos bandes asturianes actuando. La primera foi La Tayuela de Mecer qu'actuó en Córdoba en la boda'l toreru Finito de Córdoba y la asturiana Arantxa del Sol. La segunda foi la banda Villa de Xixón durante otru enlace de toreros y modelos, esta vegada la de Paquirri y la modelo xixonesa Blanca Romero ena Ilesia de San Pedru de Xixón. Por curiosidá, Boris Izaguirre posó con montera picona pa la prensa xuntu la banda de Xixón (la gaita asturiana llegando lloñe, perlloñe).
Los Premios Príncipe d'Asturies suenen a gaita
Otru añu más Uviéu llenóse de bandes de gaites pa recibir a la familia real y los premiaos al galardón más importante del Principáu en distintos puntos de la ciudá. La Banda Ciudad de Oviedo y les sos filiales foron comu otros años les encargáes de recibir nel Campoamor a les autoridáes y tener l'honor de tocar el himnu'l Principáu dientru'l teatru.
20-10-2001
Comienza el Certame Ciudá d'Uvieu 2001
Hoy dio comienzu el ya tradicional Certame Ciudá d'Uvieu, nesta primera xornada de domingu a cargo de los ganaores nes distintes modalidáes del añu pasáu.
La revista "Asturies" recueye un númbero especial Bandes de Gaites
La revista "Asturies" que edita el colectivu Belenos publicó un númbero especial que recueye la hestoria de les bandes n'Asturies. Fotos de formaciones nos años 50, gaites en Sib, de dos roncones nos 60 y desfiles siguiendo el pasu en files desmitifican l'hestoria de les bandes n'Asturies.
Así mesmo esta revista recueye fotos de 40 bandes actuales n'Asturies y de dos fuera de ella (Madrid y Valladolid).
Perlora enllenaráse de gaiteros de too'l mundu el próximu veranu
Perlora (Candás), reunirá del 15 de xunetu al 15 d'agostu de 2002 a más de 200 gaiteros veníos de Centros Asturianos de too'l mundu. El motivu ye la celebración de los cursos de especialización pa los que luego serán profesores en ca Centru Asturianu de gaita, percusión y baille tradicional, ufiertaos pel Conseyu de Comunidáes del Principáu d'Asturies.
Un llibro trata l'afinación de la gaita
"Palleta Maldita" ye'l títulu d'un nuevu llibru editáu en Galicia en relación a la afinación de la gaita. El llibro ta a la venta en gallego y castellan.
Pa más información contacta en:
correo@sitocarracedo.com xermolos@mixmail.com
670 518871 - 630 977563
http://www.sitocarracedo.com
10-10-2001
Puntuación y clasificación del I Campeonatu Bandes
Pueden vese na páxina de la Lliga Bandes
La emisoria de gaita en internet
Trátase d'una emisora de radiu via internet dedicada a la música de gaita. 100% gaita.
De toos los tipos de gaita. Por agora'l conteníu ye (por qué engañanos) mayoritariamente gallegu,
pero tamos trabayando pa abrir horizontes...
Si quereis escuchalo, sólo teneis que abrir WinAmp y pulsar Ctrl+L. escribe htpp://62.42.177.81:8000 y ya ta! la musica llegará hasta'l to ordenador...
Informa: Pedro Silva
Récord de la Web de la Gaita Asturiana
Día a día sorprendéisnos. Coincidiendo col Campeonatu de Bandes y la renovación la páxina,
la Web de la Gaita Asturiana algamó'l so record hestóricu de visites el día 10 d'ochobre
con 80 visitantes. El total de visites a la web supera con creces les 15.000 dende que reside n'asturies.com, y ya son cerca de 200 los suscriptores al Info-Web, distribuíos per tou'll mundiu.
Gracies a toos vosotros pola vuesa confianza.
10-10-2001
Venta de caxes Andante de 2ª manu
Véndense 3 Caxes Andante d'alta tensión (caxas pa banda tipu escocés) y 2 timbales Gonalca.
El preciu'l material expondráse nel foru de -lagaita- próximamente.
Comu orientación sobre los precios, ca caxa rondará poles 60.000 ptes. y cada timbal por unes 10000 ptes.
Nel casu de querer comprar el lote completu el preciu sedría d'unes 150000 ptes. poles 3 caxes
y regalaríanse los timbales.
Estos precios son provisionales y confirmaránse en breve. Si existieran varios compradores entraráse
nuna puya'l meyor postor, con una fecha máxima pa puyar.
Informa: Pelayo ( Mieres-Asturies)
El preciu de la gaita escocesa tiembla por Pakistán
Los problemas internos que baten Pakistán tres l'ataque de los EE.UU. al so país vecinu
afectarán al preciu la gaita escocesa. El país, que ye'l mayor productor de gaites escoceses
del mundiu, puede sufrir un fuerte aumentu de los sos precios nel mercáu si continúen les
revueltes populares.
8-10-2001
Oposiciones a la Banda Gaites del Principáu
La Banda Gaites "Principáu d'Asturies", banda que representará'l Principáu y qu'entama'l
Conceyu Gaiteros conxuntamente a la Conseyería Cultura del Principáu, convoca
les pruebes pa l'ingresu de percusionistes a la so formación. Nos próximos díes
aperecerá nesta web más información so la nueva banda que tanta expectación ta creando
nel mundu la gaita y nos medios de comunicación.
Representación d'Asturies nel norte francés
La Banda Gaites "Villa de Mieres" participó'l 5 y 6 d'ochobre na ciudá francesa de Lille
representando a Asturies nel festival dedicáu esti añu al mundu celta y la gaita.
6-10-2001
"Llariegu" vencedora del I Campeonatu de Bandes
La Banda de Gaites "Llariegu", dirixía por Eugenio Otero, fízose cola vara de mandu
que-y distingue comu vencedora del Campeonatu de Bandes.
La relación de premiaos ya la siguiente:
Primer clasificáu: Llariegu (Sariegu)
Segundu clasificáu: Villa de Xixón (Xixón)
Meyor estética: Llariegu (Sariegu)
Meyor percusión: Villa de Xixón (Xixón)
Meyor banda Asturies exterior: La Tayuela de Mecer (Madrid)
El xuráu unviau pola "Federación Galega de Bandas de Gaitas" foron: Carlos Lorenzo
Lemos (Interpretación), Fernando Dopico Blanco (Afinación), Xoan Losada Soto (percusión) y María Santiso Medín (Estética).
El Campeonatu, entamáu pola FIGA, Fundación Municipal y Universidá Popular de Cultura'l
Conceyu de Xixón y el Muséu la Gaita de Xixón congratularonse por entamar con tal nivel,
y tras el éxito, apuntaron a una segunda edición l'añu 2002.
La xornada entamó a les 11.00h y allargóse hasta les 12.45, col único descansu de 9 minutos debio a
l'ausencia de la Banda Gaites Llangréu. Tres el Campeonatu y la comida ufiertada pol Aytu pa los músicos,
fízose un pequeñu desfile pel Pueblu d'Asturies hasta'l Muséu onde entregáronse los trofeos.
Más información
4-10-2001
La Escuela de Música Tradicional la Quintana entama un nuevu cursu.
Na escuela de música tradicional
la Quintana entamen esti martes 2 d'ochobre les clases correspondientes al cursu 2001-2002.
Esta escuela tiene los sos locales na Escuela Pública "Rei Pelayo de Xixón", dende onde fai tres
años desendolca la so actividá col oxetivu principal de divulgar y deprender la música tradicional
asturiana asina como otres manifestaciones de la cultura asturiana. La matricula del cursu ta
abierta durante tou l'añu, pa poder apuntase na más ye necesariu pasase pela escuela "Rei
Pelayo" un martes o miércoles de tarde, o llamar al 616134895 o al 687830702.
Na escuela pueden deprendese dellos intrumentos como son gaita, tambor, curdión, guitarra,
bandurria, zanfona, asturianada, vigulín, asina como tamién existe una clas de baille. Amás del
intrumentu que se deprende, tamién existen dos asignatures de carauter común o troncal que son solféu,
pa da-y al alumnu/a nociones sobre llinguaxe musical, y una clas de folclore pa enseña-y al
alumnu/a a toes les manifestaciones de la cultura tradicional asturiana tantu la música comu
otres munches. Les asignaturas son impartíes por profesores comu Xuan Nel Esposito(curdión),
Horacio Huerta(asturianada), Santi Caleya (gaita), Daniel García de la Cuesta (vigulín y bandurria)...etc.
La escuela de música tradicional la Quintana quier ser además un llugar onde nun solo seya un sitiu
pa deprender un intrumentu si nun tamién un puntu d'alcuentru pa toos aquellos interesados na
cultura asturiana, onde poder vivir y compartir esa cultura.
Informa: pmd@asturies.org
3-10-2001
Actualización de la Web de la Gaita Asturiana.
El martes 9 d'ochobre
procederáse a la yá retrasada actualización de la Web de la Gaita Asturiana. Renovaránse los
enlaces, noticies, llibru visites, bandes de gaites... Y lo más importante, amestaranse les
tables cola puntuación detallada del Primer Campeonatu de Bandes de Gaites Asturianes, que
recordamos cellebraráse esti domingu a les 11:00h nel Pueblín d'Asturies de Xixón.
1-10-2001
Memorial Manolo Quirós
Durante'l domingu 30 de setiembre, afamaos gaiteros y amantes del mundu
la gaita asturiana dieronse cita pa rendi-y homenax al gran gaiteru fallecíu Manolo Quirós.
José Ángel Hevia, los hermanos Tejedor, Xuacu Amieva y otros munchos tuvieron ellí.
El próximu domingu'l Campeonatu
de Bandes Asturianes.
El próximu domingu 7 d'ochobre a les 11:00h entamará'l I Campeonatu
Nacional de Bandes de Gaites Asturianes nel Pueblín d'Asturies de Xixón. 10 son les bandas que
participen nesta primera edición del concursu, que a copia del modelu gallegu, espera
promocionar el movimientu de les bandes nel país al igual que sucediera con nuestros vecinos.
El campeonato contará con un xuráu veníu de la Federación gallega,
conocedores de gaita asturiana y el vencedor llevaráse como premiu una bara mandu que podrá
lucir hasta'l siguiente campeonatu un añu más tarde. Durante la xornada'l sábadu, los directores de les
bandes participantes reuniránse nuna comida colos xueces del tornéu pa dialogar sobre esta nueva
experiencia n'Asturies.
|
Ties noticies, anuncies sobre gaita, dalgún comentariu ... escribe: 
Date d'Alta'l Info-Web Gaita Asturiana
Baxa'l Info-Web Gaita Asturiana
|
|
