|
Info-Web Gaita Asturiana
Info-Web gaita asturiana ye un serviciu gratuitu d'envíu de noticies acerca'l mundu la gaita
a los sos suscriptores.
Info-Web gaita asturiana obtien la so información d'aquella xente que quier difundir
daqué d'interés común de los gaiteros. Por ello nun se responsabiliza de la posible falsedá
o error d'algunes d'elles, asína como de les sos repercusiones nos distintos ámbitos.
23-II-2003
Cántarafolk recibe'l premiu Nonaya en Sales
L'asociación Sales nel Caminu concedió'l II Premiu «Nonaya» al grupu musical «Cántarafolk». El coleutivu distingue'l grupu que xurdió
en 1984 na localidá de La Espina col nome de «Cántara», que posteriormente cambiaría de denominación, y que destaca pola so
constante evolución. Comenzó a actuar públicamente mostrando el repertoriu de baille tradicional por diferentes localidáes d'Asturies
durante un par d'años.
El grupu debutaba en 1989 como banda gaites, que'n 1992 representó a Asturies nel Festival Intercélticu de Lorient. Dende entós
sucediéronse les actuaciones internacionales del grupu que siguió evolucionando y comenzó una colaboración col grupu
«La Figa» d'Uviéu pa crear una formación que fusiona la banda gaites y el grupu de baille.
L'últimu proyeutu ye una banda folk que fusiona los elementos tradicionales (gaites, percusión) con otros instrumentos como'l tecláu,
baxu, percusión étnica y llectrónica, flauta travesera, gaita midi o viento metal. Los integrantes de «Cántarafolk»,
cuyo direutor ye Gustavo Eguren, mostraron esti nuevu espectáculu nel Festival de Lorient de l'añu 2001.
E. Peláez - La Nueva España
13-II-2003
El Museu de la Gaita exhibe violines de construición popular
A partir del día 12 de febreru la sala de exposiciones del Museu de la Gaita exhibirá la muestra titulá
«Violines de construición popular nel mundu», que permanecerá abierta al públicu hasta el 17 d'agostu.
La exposición reúne 64 pieces seleccionáes de la coleición de instrumentos «Música para ver», de José Luis Loidi y
Lourdes Yarza, de Irún, a las que se sumen cinco exemplares cedíos pola Asociación de Folklore Tradicional «La Quintana», de Xixón.
XIX Festival de Música Galega en Barcelona
La asociación cultural Toxos e Xestas de Barcelona organiza el XIX certamen de música del país vecin na capital de Catalunya. L'eventu
que se celebrará nel Palau de Congressos de Montjuïc (Barcelona) el día 8 de marzu cuntará cola presencia de distintos gaiteros
de renombre y grupos como:
A PONTE VELLA – Grupo de Danza de Teo (A Coruña)
QUEMPALLOU – Grupo Folk- Tradicional de Vigo
SOMOZA- Humorista de Redondela (Pontevedra)
LUVAS VERDES- Cuarteto tradicional de A Coruña
GUEZOS- Grupo Folk de Ourense
ANXO LORENZO- Gaiteiro del conocido grupo Spiritu 986 acompañado por:
KIM GARCÍA SOUTO al Bajo
XOSÉ LIZ DE CEA al Bouzouki
http://www.toxosexestas.com
9-II-2003
Asturies enciende motores nel Intercélticu de Lorient
Jean-Pierre Pichard, presidente del comité d'organización del Festival Intercélticu de Lorient (Bretaña) visitó Asturies estos díes
pa preparar el programa d'esti añu dedicáu al Principáu. La fiesta astur extenderáse ya dende San Patricio (17 de marzu), nel estadiu
Saint Denis de París, aperitivu'l festival, col grupu «Vezos de Asturies», que dará a conocer el pericote y la muñeira de Tormaleo a toa
Francia en direutu xuntu artistes como Sinead O'Connor.
Pa'l propiu festival intercélticu (1 al 10 d'agostu) representarán al nuesu país les bandes «Tabladar» y «La Raitana», dirixíes
por Tejedor y Flavio Benito, 55 gaiteros asturianos xunto a diversos grupos folk, un conciertu d'Hevia, exposiciones
contemporánees y tradicionales y mueses gastronómiques, amás d'una representación cinematográfica con «Pídele cuentas al rey»
y «Carne de gallina».
2-II-2003
La Banda Gaites Ciudá d'Uvieu regresa «satisfecha» de San Remo
La Banda Gaites Ciudá d'Uvieu regresó el pasáu llunes del Festival de Música de San Remo, onde actuó con motivo de la conmemoración
del so décimu aniversariu.
El presidente de la banda uvieina, Adolfo García, confirmó ayer que'l resultáu de la xira fora «perbono» ya incluso qu'otros países,
como Francia, taben interesáos en cuntar cola so actuación.
El Comercio Digital
El folklore del carbón
Da comienzo güei na Casa de Cultura «Teodoro Cuesta» de Mieres l'octava edición de les Xornáes de la canción asturiana.
Los actos, que durarán fasta el vienres, celebraránse a les ocho de la tardi nel salón d'actos del centru. Esti ciclu
d'actuaciones de música tradicional ye organizáu pol área de Cultura del Ayuntamientu de Mieres y tendrá como protagonista
a la canción minera durante el día de güei.
Doscientos años de minería en Asturias tuvieron el so refleyu nel folklore musical. Una llarga serie de cantares que,
col pasu'l tiempu, traspasó les fronteres de les cuenques mineres, onde ñaciera.
Munches acabaron convirtiéndose en himnos y otres, de la man de los intérpretes de toná, saltaron a los escenarios de los concursos,
los certámenes y les romeríes diverses que se desarrollan per toa Asturies.
Dientro de les Xornaes d'estudiu de la canción asturiana ye'l segundu añu que se dedica un apartáu a la canción minera.
Visto l'éxitu de la primera edición proyectóse esti segundu día dedicáu al folklore minero, partiendo de la collaboración d'algunos
de los representantes más xóvenes de toná, que cunten cuna grabación reciente nel mercado, «La tonada de la mina».
Asína, el miércoles, compartirán escenariu los cantantes Anabel Santiago, Óscar Fernández, Liliana Castañón, Urbano Prieto,
Rosario González y Alberto Varillas, xunto a dalgunos de los principales músicos acompañantes de toná, como el gaiteru
Jorge Areces y el pianista Xaime Arias. Como tamién les voces, faciendo de coru na interpretación final del «Santa Bárbara bendita»,
de los mierenses Gustavo Álvarez, Francisco Barrientos, Álvaro Fernández, Gabriel Hernando «Pope», Felipe Martínez,
Argimiro Suárez y Óscar del Valle.
Anabel Santiago ganara toos los principales concursos de toná, munchos d'ellos repetíes vegades. Tien 21 años y cuenta con dos discos nel
mercáu: el tradicional «Tierra de sueños» de 2001 y el innovador «Al son de la lluna» de 2002, asína como múltiples collaboraciones
en otros discos recopilatorios y d'otros grupos.
Óscar Fernández, tamién de 21 años, resultó ganaor del trofeu «Macallan» de gaita del Festival Intercélticu de Lorient nel añu 1999.
Lleva dende perxoven interpretando toná y como tal ganó esti añu pasáu'l concursu de Xixón. Cunta col discu «Gaita asturiana», amás d'un
gran númberu de collaboraciones acompañando a las principales voces de la toná.
La mierense Liliana Castañón, de 18 años, participó a dúo con Alberto Varillas na grabación d'una cantar del discu «Tradición» de
«Satura». Cunta cuna maqueta, previa a la grabación d'un disco, col so cuartetu de música, el «Liliana Castañón Quartetu»,
con el que ya intervino en Mieres nos actos de la inauguración del campus de la Universidá.
El cantante Urbano Prieto, natural de Cangues d'Onís (1968), ye una de les voces meyor formáes del panorama actual de la toná. Tamién
participó na grabación del discu «Tradición» del grupu «Satura» y cunta con grabaciones nos recopilatorios de AICA y del festival d'Amieva
, del que ganó la seición de aficionaos.
De les tierres del norte de Lleón, del valle de L.laciana llega Rosario González, quien ganara nos últimos años los principales
concursos de toná que se celebran n'Asturies. Esta selmana pasá entregábense los premios del concursu «Cuenca del Caudal»,
resultando ella ganaora nel apartáu femeninu. Próxima l'apaición dun discu propiu, cunta con collaboraciones en discos
recopilatorios. Por últimu, el xixonés Alberto Varillas ye la voz más interesante del panorama de la música folk asturiana,
ya qu'acompaña a los grupos «Asturiana Mining Company» y a «Satura». Ganaor en 1988 del trofeu «Macallan» nel Festival Intercélticu
de Lorient, estrenó en 1993 la so gaita cromática asturiana cola Orquesta Sinfónica del Principáu d'Asturies. Con toos ellos so'l
escenariu, la tradición minera quedará representá perfectamente en cantares como «La mina y el mar»,
«Viva la xente minera», «El alma de los mineros», «La carbonera», «Playina la de Xixón» o «Chalaneru», ente munches otres.
Pa finalizar cola interpretación del «Santa Bárbara Bendita», el cantar más representativu de les cuenques y de la minería
que rematará la xornada de güei a la espera de les actuaciones de mañana y el vienres.
La Nueva España
La Banda Gaites de Corvera celebrará en febreru el II Festival del mexillón
Ayudar económicamente a les cofradíes de pescaores asturianes afectáes pola crisis del «Prestige» ye un de los obxetivos
que persigue la Banda Gaites de Corvera pa organizar el II Festival del «muxón». L'agrupación prevé celebrar esta cita gastronómica
y festiva los díes 21, 22 y 23 de febreru ena explaná del centru Tomás y Valiente, de Les Vegues.
El Festival del «muxón» tuvo l'añu pasáu la so primera convocatoria, y los organizaores consideran que l'éxitu foi absolutu.
La Banda Gaites de Corvera realizó esta actividá p'autofinanciase, pero esti añu pretende ir más allá y sumase a la solidaridá
colos afectáos asturianos pola catástrofe del «Prestige». «Tóes les ayudes nacionales tan canalizáes hacia Galicia,
pero Asturies tamién ta afectá», señaló el presidente de la banda gaites, Blas Rodrigo Álvarez.
Dos grupos folklóricos asturianos ya anunciaron qu'acudirán a actuar gratis al festival.
La banda gaitas pretende, asina mesmu, publicitar la cita gastronómica en toa la costa asturiana.
Según el presidente de la banda, l'actividá podría tener repercusión nacional, ya que n'Asturies nun se desarrollaron
iniciatives encamináes a recaudar fondos palos afectáos pola marea prieta del petroleru fundíu xunto la costa gallega.
El pasáu añu, la Banda Gaites de Corvera vendió 900 kilos de mexillones, y la recaudación que consigan nesti festival repartiráse ente
las arques del grupu y les cofradíes de pescaores.
La Nueva España
José Manuel Tejedor acude al festival de Glasgow
El gaiteru asturianu José Manuel Tejedor participó el pasáu sábadu, 26 de xineru, en el Celtic Connections de Glasgow (Escocia),
el festival de música celta más importante'l mundu. L'actuación de l'asturianu enmárcase nun conciertu especial que ofreció'l
vigulinista Alasdair Fraser xunto a la so agrupación, Skydance. Con esta actuación, la formación de Fraser presentó en direutu'l
conteníu'l discu Live in Spain que Skydance grabó en varies ciudáes españoles fai aproximadamente un añu. Nel álbum andecharon
varios invitáos especiales d'España.
El sábadu José Manuel Tejedor participó nel conciertu xunto a otros relevantes artistes españoles y extranxeros. Ente ellos,
Kepa Junkera, Joxan Goicoetxea, Phil Cunningham, y Donald Shaw y Karen Matheson de Capercaillie.
La presencia del gaiteru asturianu en la más importante cita de la música celta súmase a una trayectoria que, en cuanto a
recientes colaboraciones con artistes internacionales, anota una melodía --Añada pa Gael´ -- en Door of Saints ,
álbum en solitariu de Duncan Chisholm, vigulinista del grupo Wolfstone.
14-I-2003
Concursu carteles de gaita asturiana
L'área Cultura del Ayuntamientu de Colunga, xuntu col'asociación cultural San Roque, de Llibardón, convoca'l concursu carteles
pa'l tercer certamen de gaita asturiana. Ca participante podrá presentar un máximu de tres carteles y deberán facer referencia'l
certamen gaiteru que tedrá llugar l'ochu d'agostu.
Pospónse'l conciertu de solidaridad con Galicia
Una veintena de bandes de gaites asturianes, grupos de baille y grupos folk diben a haber actuao el pasáu sábado nel Auditoriu
Príncipe Felipe d'Uviéu pa recaudar ayudes a los damnificaos pola catástrofe'l Prestige en Galicia, pero la nieve y el mal tiempu,
quisieron que fuera imposible la llegada de públicu y grupos al Auditoriu ensin qu'aún se diera nueva fecha pa'l eventu.
El conciertu que nun principiu diba ser sólo pola mañana, finalmente sedrá de mañana (dedicá a les bandes y grupos) y tardi
(grupos folk como N'arba o Llángres) debío a l'afluencia grupos. El preciu de les entráes ye de cinco euros y podránse adquirir nel
teatru Campoamor, oficines de Caixa Galicia, l'Auditoriu y tiendes Discoteca. Amás, habilitóse una fila cero, anque aún nun se
facilitara'l númberu de cuenta.
|
Ties noticies, anuncies sobre gaita, dalgún comentariu ... escribe: 
Date d'Alta'l Info-Web Gaita Asturiana
Baxa'l Info-Web Gaita Asturiana
|
|
