Category: noticia
Noticia
Xurde Fernández y Marián García son los autores de ‘L’árbol de la verdá’, llibru d’aventures onde’l llector decide qué camín ha de siguir la historia. Esti exemplar trátase del númberu 2 de la coleición pa neños y neñes ‘Camín de Bree’.
La collaboradora de ‘A la Gueta los Sueños’, María Luz Pontón, tresllada a la lliteratura la historia de la elefante Petita. Esti animal foi refugáu polos sos compañeros de manada por nun cumplir los cánones de belleza establecíos.
La escritora xixonesa Carla Menéndez ta acabante espublizar cola editorial Pintar-Pintar l'álbum ilustráu "Xovellanos, un paisanu melgueru", dedicáu a la figura del ilustráu asturianu.
La Universidá Popular de Xixón ufierta un añu más los sos cursos d'asturianu en dos niveles, básicu y mediu, siendo la duracción total de dambos de trenta hores llectives.
La editorial asturiana Asturtoons pon en marcha pa los próximos díes 27 y 28 d'avientu "El taller de les Histories", actividá que va desarrollase na Casa la Cultura de L'Infiestu.
"Libros, colores y letras" ye'l títulu de la esposición na que la editorial asturiana Pintar-Pintar fai un percorríu pelos sos llibros más conocíos dende'l so ñacimientu nel añu 2005.
La editorial asturiana Trabe acaba sacar al mercáu un nuevu númberu de la colección "Reciella", empobinada a los neños y neñes d'Educación Infantil.
La escritora de Candamu Paquita Suárez Coalla resultó ganadora de la cuarta edición del premiu de Lliteratura Infantil y Xuvenil n'asturianu "MªJosefa Canellada" que concede la Conseyería de Cultura d'Asturies.
Cristina Muñiz presenta, esti martes 8 de payares, la so nueva obra ¡Qué te preste!, compilación de los monólogos emitíos nel programa de la RTPA "La Risión".
El colexu públicu de Lieres, nomáu oficialmente de magar esti cursu C.P. Xentiquina, organiza pal próximu xueves 3 de payares una mesa redonda sobre cultura y música asturiana.
8.jpg)
