-Cuando se vinía de...
-de trabayar
-De trabayar, pues... viníes llegabes a casa, comíes, cumíamos y 
empués marchábamos pa un preu a facer algo, a zarrar con una 
cibiel.la... una portiel.la o sino pues poníeste algo nun trizu a 
una carreña o poner un pelu a un forquéu, pa la yerba o pone-y 
unes calzaúres y eses coses de la labranza o tinís que dir pa la 
tierra a arare... a xunir les vaques y dir a arar o a gradiar... 
Primero había que... arar y depués echábase la grae y dispués... 
 un día l.labrase pa semá'l maíz y cuchar, había que cuchar 
tamién... y había que... ¡Caro! a veces facer coses así de todo  
de la labranza y haber dir a tizar el fuibu pa facé'l... pal 
serdu pa que les castañes... tuvieren... pa les mayuques... 
Antes, antós tamién yeren munches castañes mayuques... había que 
yera de lo que se cumía... Había que espillicales toes bien unes 
yera d'una manera otres d'otra pa depués pa teneles pal veranu... 
Yera de les que se facía la cumía pa llevalo pa los praos... Yera 
eso (....)
-Bueno, yo digo lo mismo... yera pel tiempu del maíz, primero 
había que semalo y empués cuando yera'l tiimpu sal.lalo y había 
que saber preparalo, cuadralo... dicía mio padre "como les puntes 
d'un pañuilu... ponelo cuadrao... era como pa... como dicin que 
cupiera un maniigu en medio... yo... dicíame que como yera tanto, 
semábase mui espeso... había qu'arrincar, arrincar y nun sabía ún 
cuanto tinía qu'arrincar hasta dir poniéndolo un poco cuadrao y 
depués les patates ya ye mejor, porque nun s'arrinca ninguna, 
sállinse y depués arriéndinse... sál.linse... ye sal.lar y depués 
arrendar... arrendar ye la última vuelta que se-yos da pa l.lega-
yos un poco la tierra (...)
-Bueno,la faena de casa (...) ye too por un igual trabayar muncho 
y cosechar poco... vienen años mui malos... unos por muncha seca 
otros por muncho moyao y hai poca sazón pa esto... pero bueno, un 
añu con utru va compensando... Un añu, como dicen, ye de peres y 
utru de piruyes...el añu qu'hai bona cosecha tópase ún agraicíu, 
cuando ye peor hai qu'aguantase...tamién, pero bueno, hai que dir 
tirando...El trabajo ye mui grande (...) Desde pela mañana hasta 
la nuichi hai que trabayar a la labranza ahí nun hai aquello de 
marcar hores...hasta qu'escurez
-Caro, desde qu'amanez hasta qu'escurez
-(...) ya ye la vida así, ya vien de los antigos tamién...Los 
antigos reginsi per... cuando amanecía, yera'l gallo el reló, 
cuando cantaba'l gallo pues yera cuando el.los ya salín a la 
faena y depués a la nuichi cola l.luna, cuando salía la l.luna 
pues yá retiraben ya yera hora de...
-Bueno pero la l.luna cuando salía a les tres de la mañana nun 
biben dir a esa hora pa la cama, dirín al escurecer...
-Vinín al escurecere
-Porque allí tenín unos ventanos que yeren como pa gatos... en 
metiéndose naquelles gatileres...nun tenín...namás que la luz de 
fuera que yera per un ventenu que nun cogía un guetu per ellos


-ventanos mui pequenos , que yera namás pa entrar los gatos y nun 
tenín luz, tenín qu'andar con candilexos y depués les cases, 
claro, puestes como se pudía, con escudiel.leros, enverde tener 
almarios pa cacía había un escudiel.leru o dos y escudiel.les pa 
comer farines y lo qu'hubiera, y borones del serdu (...) y 
borones del l.lar, castañes del serdu y borones en l.lar...unes 
borones, facía mio güela... tremendes... borones 
calientes...dábamos a veces un zoquetín d'ello ¡oño! yera'l mejor 
regalu que pudíen damos:  un cachu borona...estimáemoslo más que 
si fuera ahora un bizcochón
-Y l.lichi caliente
-Y l.lichi, y l.lichi cuayao ¡cuayao! y dibura... y mazá... de lo 
que quedaba de facé'la mantega...esa mazá sabía bien


(...)


Yo la mazá topábamoslo yá más acidoso, pero había que comelo, si 
no había otro, que rimidiu... nun tábemos aquello...lo que se 
pudía atropar
-¿Nun se cumíen grelos que yera munchu peor?
-Y fabes del güiyu pintu!
-Yera una comedia había que... los grelos yera que tirábeslos a 
les parees y nun había quien los encetara (...)
-(...) y había que comeles, ¡A fuerza fame! dicen que "a fuerza 
fame bono ye borona"

(...) Borones en l.lar o en fornu o como pudieras y tostar 
tortos, tortos tostaos en quezu...sabín mui bien, sabín mui 
guapo, tostábalos mio güela salín como rusquíes... eso, mus 
murimos

(...) a zarrar (...) poner un furquitu pa que nun salten les 
vaques pal utru preu (...) a ver les vaques, cuando aquel guah.e, 
aquel mocecu que-y dicía ún: "coño, de magar que nun te veo,¿Qué 
tal per ehí, qué tal pela pena?

-Había qu'andar per un sitiu y per utru...
-¡Peles penasques, empenaos!
-Claro, la vida yera mui esclava, ahora comparao ahora...ahora ye 
tola xente señorito.