La Casina de la Oliva, Centru del Románicu de Villaviciosa, va acoyer un conciertu d’Anabel Santiago y Héctor Braga esti vienres. Mentes, esi mesmu día, Tina Gutiérrez va actuar na sala xixonesa Acapulco.
El maliayu Francisco Fernández Álvarez foi’l ganador del XII Concursu de Gaiteros y Gaiteres Mozos de Bimenes que tuvo llugar el sábadu en Bimenes. Esti certame celebróse nel día grande de la XV Fiesta de la Oficialidá Asturiana.
El 22 y 23 de xunetu Candás va vivir una nueva edición del Festival de Bandes de Gaites Villa de Candás, que cumple 15 años. Seis agrupaciones van participar nél, ente les que destaquen una bretona, una gallega y una catalana.
El músicu y investigador xixonés Daniel García de la Cuesta va participar nes X Xornaes de Música Popular ‘La música de los romanos y aquellos vascones’. Éstes van celebrase nel Oiasso Erromatar Museoa d’Irún los díes 15 y 16 de xunetu.
Esti xueves va celebrase l'homenaxe a Nacho Fonseca y a los sos 25 años al frente de Seliquín y Xentiquina. El profesor, cerca de xubilase, dexa’l so proyeutu musical pa neños pero espera qu’otres persones entamen otros asemeyaos.
La banda folk de la cuenca’l Nalón Duerna yá dio a conocer el so vidiu ‘Fiestes de prau’, nel que se representa una romería asturiana. Esti tema ta dientro del discu ‘Manca la maera’ que va presentase’l 24 de xunetu nes fiestes de Santiago, de Sama.
En San Xuan cumpliéronse cinco años de la muerte d'Igor Medio y Carlos Redondo nun accidente de tráficu con Felpeyu camín de Catalunya. La música asturiana torna a homenaxealos esti martes nel xixonés The Monkey Club.
Cola llegada del branu l’actividá musical multiplícase enforma n’Asturies. Esta fin de selmana destaca’l conciertu de Corquiéu en Caravia y l’actuación de dellos grupos folclóricos en Xixón nes fiestes de San Xuan y San Pedru.
La Plaza Mayor de Xixón va ser sede na tarde del vienres, a partir de les 19 hores, del conciertu fin de cursu de la Escuela de Música Tradicional Villa de Xixón. Nél van participar más de cien alumnos y alumnes.
El Cine Felgueroso de Sama va acoyer esti vienres la presentación del videoclip de Duerna ‘Fiestes de prau’, el primeru nos sos trés años d’historia. Esti cantar forma parte del discu ‘Manca la maera’, que va salir en pocos díes al mercáu.
Los talleres artesanos que se dediquen a la ellaboración de gaita asturiana nun se llibren de la crisis. El plazu máximu d’entrega d’esti instrumentu baxó hasta l’añu, mentes que el mínimu ta ente la entrega inmediata y los 15 díes.
‘Positivu’ ye’l nome del trabayu nuevu de Tejedor, nel que José Manuel y Javier Tejedor incorporen la voz de Silvia Quesada en sustitución d'Eva. Los dos hermanos van presentar los temes d’esti discu’l domingu nel Centru Niemeyer.
Sambre y Misiva van tocar otra vegada xuntos, nesta ocasión con más grupos, nel I Rescamplu Rock Figareo. Mentes, en Ciañu, va haber un conciertu en solidaridá colos trabayadores d’Alas Alumium nel que van tocar I.R.A. y K-Nalón.
Enrique Fernández, alcalde de Samartín del Rei Aurelio, recibió esti xueves al cantante Chus Pedro con motivo de la salida al mercáu del so trabayu ‘Nenita’. El ex vocalista de Nuberu ye natural de L’Entregu.
Chus Pedro, los irlandenses Altan y los escoceses Capercaillie van protagonizar la Gran Nueche Celta de la Llaboral esti sábadu en Xixón. Esi mesmu día, el Benidorm de Villamayor va acoyer los conciertos de Sambre y Misiva.
El cantante entreguín Chus Pedro presentó n’Uviéu’l so segundu discu, el primeru tres la despidida con Nuberu. ‘Nenita’ ye’l nome d’esti trabayu d’estudiu compuestu por once cantares, nueve tradicionales y dos propios.
‘Bomba reloxería’ ye’l nome del trabayu nuevu d’Adizión Etílika, banda que tien espublizaos dos discos y una maqueta. El grupu ḷḷenizu entró a grabar esti llunes nos estudios Dynamita de Llugones un discu que va ser dafechu n’asturianu.
El festival que vien a cubrir el güecu que dexó Santo Grial en Pravia tres la so escapada a Ourense col Derrame Rock yá tien cartel confirmáu. Dixebra, Galán, Arma X, Def con Dos o Ojos de Brujo son dalgunos de los grupos que van tocar nesti eventu.
Esti sábadu va celebrase nel Teatru de la Llaboral de Xixón un espectáculu que lleva pol nome ‘Gran Nueche Celta’. Chus Pedro, los irlandeses Altan y los escoceses Capercaillie formen el cartel d’esti eventu.
Esti sábadu, a les 19.30 hores nel Teatru Vital Aza de La Pola Ḷḷena, el grupu llocal Spanta la Xente va presentar el so trabayu nuevu ‘Alienda’. Más de 80 persones van participar na actuación musical más destaca d’esta fin de selmana.
