El Club de Prensa de La Nueva España acueye esti martes, a les 19 hores, la presentación de ‘La cueva de la diosa’, obra d’Arturo Somoano. Esti llibru inaugura la coleición nueva de narrativa de Suburbia Ediciones: ‘Quemando cromo’.
Esti sábadu tuvo llugar l’estrenu del documental en gallego-asturiano ‘Eu soi quen fun’, de Melania Fraga, un viaxe pel occidente del país al traviés de la poesía d’Ana Vega. Unes 150 persones abarrotaron la sala de proyeición.
José Luis Cienfuegos, al traviés d’un comunicáu, defendió la so xestión al frente del Festival Internacional de Cine de Xixón (FICXixón). Fixo referencia a la xuba espectacular de públicu y al reconocimientu del certame fuera de les nueses llendes.
José Luis Cienfuegos, alma mater del Festival Internacional de Cine de Xixón (FICXixón), nun va siguir al frente del certame. FAC decidió destituyilu como direutor del mesmu, cargu que va ocupar el cineasta xixonés Nacho Carballo.
‘Refaxu 1995-2011’ye’l títulu de la revista conmemorativa que fai un repás a los 16 años de vida d’esti grupu de teatru blimeín. Esta espublización va presentase esti xueves na Casona de Bravial, en Blimea.
Los espectáculos desarrollaos n’Asturies, en toles sos variantes culturales, viven un descensu nel númberu d’asistentes. Según datos del 2010 asoleyaos pol Institutu Asturianu d’Estadística, el teatru ye’l que más acusa la baxada.
L’escritor y historiador xixonés Pablo Rodríguez Alonso ta acabante d’espublizar el so segundu poemariu, ‘Palabres d’un tiempu’. Esta obra, qu’edita Trabe, foi premiada col Nené Losada Rico del añu 2010.
L’Asociación Cultural N’Ast asoleyó’l númberu 7 de la revista ‘N’Ast. Cartafueyos d’ensayu’. Ésti inclúi un ‘Manifiestu pola documentación hestórica asturiana espoliada’ impulsáu pol coleutivu.
Daniel Fernández, voceru de Bloque-UNA en Xixón, defendió’l Festival Arcu Atlánticu que va celebrase del 21 al 29 de xunetu y criticó la “hipocresía” del PSOE en materia cultural. Respuende asina a unes declaraciones de Villabrille contraries al certame.
Cuatro llibros de narrativa y ún dedicáu a primeros llectores conformen les novedaes de Suburbia Ediciones pa estes feches navidiegues. D’esta forma, la editorial fina un añu 2011 cargáu d’espublizaciones.
John T. Dunleavey, presidente del Comité del Desfile de San Patriciu que percuerre la Quinta Avenía de Manhattan tolos 17 de marzu, ta de visita n’Asturies. La organización premia a la Banda Gaites de Corvera d’Asturies pola so trayeutoria.
Tres el pieslle del domingu del Centru Niemeyer, el llunes vivióse n’Uviéu una negociación ente Emilio Marcos Vallaure y Pilar Varela sobre’l futuru del complexu cultural. Tres 13 hores de reunión, nun hubo alcuerdu nengún.
‘Chamiceruca’, de Gabino Busto Hevia, ye’l nome de la obra ganadora del VIII Concursu de Microrrellatos Mineros Manuel Nevado Madrid na so estaya d'asturianu. Dos histories d’Ánxel Nava lleváronse una mención especial.
El fotógrafu inglés Bill Bradshaw llevóse’l V Concursu de Semeyes de La Sidra col trabayu entituláu ‘Falling apples’. Nesta edición del certame de fotografíes sidreres participaron 145 persones de tol mundu con 563 imaxes.
Alberto Castro Gión (Navia, 1983) llevóse’l XXI Premio Xeira de Narracióis Curtias cola so primera incursión na narrativa en gallego-asturiano. ‘Inverno’ ye’l nome de la obra que convenció al xuráu del gallardón.
El Centru Social La Semiente de L’Entregu tien programáu un avientu cargáu d’actividaes que van tocar dellos temes. Los grupos de consumu y la soberanía alimentaria protagonicen la primer d'elles esti xueves a les 20 hores.
Per cuartu añu consecutivu, Bual va disfrutar de trés díes de música, arte y lliteratura. Esti vienres torna l’Outono Cultural, actividá entamada pola Asociación Xuvenil Mezá cola fin de dinamizar la vida cultural del conceyu.
Susana Hevia va ser la direutora nueva del Muséu Etnográficu de Grandas en sustitución de Francisco Cuesta, destituíu por Cultura en setiembre. L'arqueóloga foi escoyida pola Xunta del Consorciu que xestiona'l centru ente 15 candidatos.
La restauración de la catedral d’Uviéu yá ta en marcha. La sacristía, la zona trasera del altar y la capiella Cuadonga van beneficiase d’esta actuación con una inversión de 425.000 euros y un plazu d’execución de seis meses.
El salón d’actos del Conceyo de Tapia va acoyer, ente’l 29 de payares y el 24 de xineru, el III Cursu de Llingua y Cultura del Navia-Eo. Ésti ye de baldre y va celebrase los martes y xueves de 17 a 20 hores.
