El Plenu de la Xunta Xeneral aprobó la composición del conseyu d’alministración de la RTPA, del que nun va formar parte’l PP. Los populares pretendíen una reducción del númberu de miembros del órganu de los 15 actuales a 9.
La fuelga médica va continuar n’avientu. El Sindicato Médico Profesional de Asturias (SIMPA) anunció esti xueves la convocatoria doce xornaes de paru nueves pal mes próximu y aseguró que’l conflictu va siguir el tiempu que sía necesariu.
Un alcuerdu ente’l Gobiernu y IX y UPyD va permitir l’aprobación de la Llei de Midíes Urxentes en materia de Personal, Tributaria y Presupuestaria. Ésta inclúi decisiones de recorte de gastu públicu pa cumplir l’oxetivu del déficit.
Los presupuestos del Conceyu de Xixón destinarán a la cooperación internacional al desarrollu 300.000 euros, lo que supón 700.000 euros menos que n’años anteriores. Compromisu por Xixón critica esta midida de Foro.
La participación de la Policía Llocal na carga y detención de cuatro persones na xornada de fuelga xeneral del miércoles foi criticada por Compromisu por Xixón. Tamién llamentó l’intentu d’asaltu a la Casa Sindical.
Los datos daos a conocer el llunes sobre’l paru n’Asturies llevaron a Compromisu a criticar el papel que tán xugando les fuercies parllamentaries. La federación llama a participar “de forma masiva” na fuelga xeneral del 14 de payares.
Un 65 por cientu de los usuarios d’Asturies amosó en ‘Conceyu Abiertu’ el so sofitu a les fuelgues na sanidá asturiana convocaes n’ochobre polos sindicatos médicos y sanitarios. Los paros van continuar nel mes de payares.
Los representantes de PSOE, IX y UPyD na Mesa de la Xunta Xeneral aprobaron les cuentes del parllamentu asturianu, votación na que s’astuvieron Foro y PP. El presupuestu pal 2013 ye de 13.841.000 euros, un 8,62 por cientu menos qu'esti añu.
El diputáu Enrique Álvarez Sostres y el senador Isidro Martínez Oblanca anunciaron esti llunes que van presentar 26 enmiendes parciales a los Presupuestos Xenerales del Estáu. Foro reclama 666.118.280 millones d'euros p’Asturies.
Manuel Benayas, voceru nacional del Bloque por Asturies, asegura que “nun hai conflictu políticu nengún con Compromisu”. Diz desconocer la esistencia d’un seutor críticu dientro de la fomación “que se consolide como tal”.
El restaurante Avant Garde, del Hotel NH de Xixón, ye’l llugar escoyíu pa la celebración del II Salón Internacional de les Sidres de Gala. Esti certame, que s’amplia a dos díes, tien como oxetivu la promoción d’estes bébores non escanciables.
Pablo Fernández, voceru del Bloque por Asturies en Gozón, afirma que “parte de la militancia” de la formación ta “decepcionada” col proyeutu de Compromisu. Esti sector va proponer una Xunta Nacional pa tratar esti asuntu.
CC OO, SATSE, USAE, SICEPA-USIPA fixeron públicu un comunicáu nel que llamenten qu’UXT “falte al so compromisu” al aceptar la ufierta del SESPA, rompiendo asina la xunidá d’aición sindical. Dicen tar satisfechos pol resultáu de la fuelga.
La segunda canal de TPA, qu’apaez col nome de ‘A8’ nos televisores, principió esti xueves a retresmitir en prebes los Plenos de la Xunta Xeneral. El vienres, a les 9 hores, va continuar cola emisión en direuto de los debates.
La reunión ente’l Serviciu de Salú del Principáu d’Asturies (SESPA) y los sindicatos sanitarios nun llegó a bon puertu y el martes va principar una fuelga nueva. Tán convocaes ocho xornaes de paros na sanidá asturiana.
Un total de 24 establecimientos de Sotrondio, Blimea y L’Entregu participen esta fin de selmana en ‘Samartín del Pinchu’. Esti concursu de tapes y pinchos ye ún de los pocos certámenes gastronómicos qu’usen l’asturianu dafechu.
La Xunta Xeneral mostróse esti xueves contraria a consultes democrátiques d’autodeterminación como la que se plantega en Catalunya. Namái Izquierda Xunida votó en contra de la propuesta d’Unión Progreso y Democracia (UPyD).
Esti xueves cúmplese la cuarta xornada de fuelga médica na sanidá asturiana. El Sindicato Médico Profesional de Asturias (SIMPA) denunció la esistencia de presiones a los fuelguistes dende les xerencies y direiciones médiques.
