El periodista Martin Garitano, candidatu de Bildu, ye’l diputáu xeneral nuevu de Gipuzkoa. D’esta forma, la coalición llogra la mayor cuota de poder de la izquierda abertzale na historia de la democracia.
Los efeutos de la crisis nel Estáu español fixeron que la renta per cápita sía siete puntos menor que la media de los países de la Eurozona y un puntu más que la media comunitaria. Estos datos d’Eurostat correspuenden al 2010.
L’informe del 2010 del Instituto Nacional de Toxicología revela que’l 42,4 por cientu de les persones muertes n’accidentes de tráficu dieron positivu n’alcohol o en drogues nes pruebes forenses. Hai un aumentu nel consumu de drogues de diseñu.
Más de 2.000 persones aconceyaes nel Parque de la Ciutadella, frente al Parlament de Catalunya, impidieron la entrada de 70 de los 135 diputaos al edificiu. Esti miércoles celebrábase’l Plenu de los presupuestos.
La direición del PP estatal nun va sancionar a los conceyales de Xixón, Valdés, Salas, Amieva y Cabrales que votaron a favor de los candidatos de FAC pa qu’algamaren l’alcaldía. Desobedecieron asina’l mandáu de los dirixentes del partíu.
Un xuez de Madrid citó a declarar a 16 controladores aéreos como imputaos na instrucción del procesu penal pola fuelga d’avientu. El parón provocó’l zarru del espaciu aereu estatal y perxudicó a miles de pasaxeros.
La celebración posible del títulu de Lliga de Campeones del Barcelona’l sábadu na zona de Plaça Catalunya y Canaletes llevó a los Mossos a intervenir na acampada de la capital condal. La escusa policial yera dexar entrar a los servicios de llimpieza.
Asturies, con un 9,4 sobre 10, ye’l territoriu con una meyor nota en satisfaición ente los turistes encuestaos pol Institutu d’Estudios Turísticos (IET) del Ministeriu d'Industria. Navarra (9,1) y Extremadura (9) son les siguientes na llista.
Francisco Marcos (Uviéu, 1970) va ser la primer persona qu’ocupe’l cargu de Defensor del Usuariu y del Cliente de la Sociedad General de Autores y Editores (SGAE). D’esta forma, l’organización pretende meyorar “la calidá de serviciu y la imaxe social”.
El Grupo Trabanco, enfotáu en siguir promocionando la nuesa bébora tradicional fuera de les nueses llendes y n’abrir mercaos, va presentar la so sidra de collecha propio en Madrid. Va ser el xueves nel Vicente Calderón, enantes de la Sidroquedada.
El XXV Salón de Gourmets, que se celebra dende’l llunes hasta’l xueves na Feria de Madrid, va contar cola participación de 15 marques de sidra DOP. Diez mil persones van poder pasar pel ‘Túnel de la Sidra’ y prebar la nuesa bébora.
Con un incrementu del 6,8 por cientu, Asturies convirtióse nel país onde más medró’l reciclaxe de vidriu. Ello supón que cada asturianu recicla 14,6 quilogramos al añu, lloñe tovía de los 27 quilos de los baleares.
Un día depués de nun acudir a la so cita nel xulgáu poles sos declaraciones sobre la Policía pol ‘casu Gürtel’, Francisco Álvarez-Cascos tuvo que rectificar y acudir esti xueves al xulgáu. En casu contrariu, el xuez diba ordenar la so detención.
Francisco Álvarez-Cascos nun se presentó nel xulgáu númberu 32 de Madrid pa declarar como imputáu por calumnies al equipu policial qu’investiga’l ‘casu Gürtel’. L’abogáu del llíder de Foro Asturias pidió qu’otru xuez asuma’l casu.
El Conseyu del Patrimoniu Históricu acordó presentar el Camín del Norte a Santiago de Compostela como’l candidatu del Estáu a ser catalogáu Patrimoniu Mundial de la UNESCO. El camín francés yá lo ye dende 1993.
El Tribunal Supremu prohibió’l miércoles la inscripción de Sortu, formación nueva de la izquierda abertzale, nel rexistru de partíos. La Fiscalía y l’Abogacía del Estáu presentaren una demanda al considerar a Sortu herederu de Batasuna.
El Palacio de la Magdalena de Santander acoyó esti llunes la I Conferencia de los Gobiernos de Comunidaes Autónomes. María José Ramos, conseyera de Presidencia, Xusticia y Igualdá, foi la representante del Gobiernu asturianu.
El Tribunal Européu de Derechos Humanos condenó al Estáu a indemnizar a Arnaldo Otegui con 20.000 euros por frayar el so derechu d’espresión. El ex voceru de Batasuna llamó nel 2003 “responsable de los torturadores” al rei d'España.
Los tres territorios recurrieron ante’l Tribunal Xeneral de la Xunión Europea (XE) el reglamentu comunitariu d’ayudes al carbón. D’esta forma defienden la producción de carbón autóctonu más allá del añu 2018.
CiU, ERC y ICV aprobaron una moción de Solidaritat Catalana per la Independencia (SI) na que reivindiquen el derechu “irrenunciable” de Catalunya al autodetermín. El Parlament tamién apoyó les consultes populares.
