L’equipu de fútbol de Sotrondio, el CD San Martín, nun va presentase esta fin de selmana nel campu La Corredoria pa xugar contra l’Urraca. La situación económica del club ye crítica y podría retirase de la preferente.
Nestes feches navidiegues ye vezu que les seleiciones nacionales ensin estáu disputen alcuentros amistososos, anque Asturies hai dellos años que nun disfruta d’esti tipu de choques. Seis coleutivos demanden el retornu d’estos partíos.
La tradición del puru nos campos de fútbol, al menos a nivel profesional, paez tar más cerca del desaniciu. La UEFA anunció que nun va dexar fumar nos estadios de la Eurocopa 2012 de Polonia y Ucrania nin vender tabacu na so redolada.
El sortéu de dieciseisavos de final de la Copa deparó un clásicu norteñu ente l’Uviéu y l'Athletic Club. Mentes, el Sporting va vese les cares otra vuelta col Mallorca, equipu que lu eliminó nesta mesma eliminatoria l’añu pasáu.
El sortéu de la tercer eliminatoria de la Copa benefició al Uviéu, que pasa de manera direuta a la ronda siguiente, polo qu'asegura un rival que participa en competiciones europees. L’enfrentamientu va ser a doble partíu n’avientu.
L’UC Ciares, equipu xixonés de la Tercera División, entama esta fin de selmana unes xornaes “por un fútbol social y críticu”. Charres, música y fútbol componen el cartel de la iniciativa d’esti club que buscar recuperar la esencia d’esti deporte.
El ciclista de Cabezón de la Sal, Juan José Cobo, arrampuñó’l maillot colloráu de llíder de La Vuelta en L’Angliru al británicu Bradley Wiggins nuna ascensión espectacular. L’altu riosanu y La Farrapona nun defraudaron a l’afición.
El mundu de la bicicleta va poner los sos güeyos esta fin de selmana n’Asturies. La Vuelta llega al nuesu país y La Farrapona, el sábadu, y L’Angliru, el domingu, van resultar decisivos nel desenllaz de la ronda ciclista.
La montañera Rosa Fernández anució esti martes la so intención d’ascender el Manaslu, en Nepal. La espedición de l’asturiana tien previsto salir el 8 de setiembre y algamar la cume d’esta montaña de 8.163 metros el 12 d’ochobre.
El Sporting va abrir la Lliga 2011-2012 esti sábadu (18 hores, El Molinón) ante la Real Sociedad depués de que los futbolistes llegaran a un alcuerdu cola LFP na mañana del xueves. La primer xornada pasa a disputase al final de la primera vuelta.
La fuelga de futbolistes qu’impidió la celebración de la primer xornada de Lliga en Primera y Segunda División tien el sofitu del 38 por cientu de los nuesos llectores. Mentes, el 18 por cientu amosó tar en contra del paru en ‘Conceyu Abiertu’.
La primer xornada de Lliga en Primera y Segunda División nun va celebrase poles discrepancies ente l’AFE y la LFP. El Sporting debía debutar en El Madrigal el sábadu y ye posible que xuegue un amistosu col Deportivo pa nun perder el ritmu.
Francisco Álvarez-Cascos recibió esti vienres al ganador de la Montaña del Tour de Francia y d’etapa en Luz-Ardiden. El presidente del Gobiernu entregó-y una insinia d’Asturies al uviedín, que correspondió col maillot de puntos colloraos.
Tres la polémica pol modelu fechu pola marca italiana Kappa como primer equipación del Sporting, bautizáu pola afición como ‘el piyama’, el conxuntu xixonés yá dispón d’una camiseta más clásica. Falta por ver si va tar pal estrenu en Lliga.
La RFEF nun permite l’usu de banderes autonómiques na recoyida de trofeos de les sos seleiciones tres la final del Européu sub-21 del 25 de xunu. Esta decisión diose a conocer tres l’incidente de Ginés Meléndez cola bandera d’Asturies.
El téunicu de la seleición española sub-19, Ginés Meléndez, tuvo un xestu mui feu col sportinguista Juan Muñiz na celebración del Européu. Quitó-y de males maneres la bandera d’Asturies mentes dexó a otros xugadores llevar la d’España.
L’uviedín Samuel Sánchez convirtióse nel primer asturianu en ganar la clasificación de la montaña del Tour de France. El ciclista del Euskaltel-Euskadi completó asina una participación espectacular que tuvo como premiu’l trunfu en Luz-Ardiden.
El campeón olímpicu de ciclismu en ruta, Samuel Sánchez, quitóse una espina al vencer el xueves una etapa del Tour tres años raspiando'l trunfu. Cola victoria en Luz-Ardiden, conviértese nel quintu asturianu en ganar na ronda gala.
Aficionaos a la bicicleta de toda Asturies van participar el sábadu na I Carrera de Montaña Cotu Beyo, na cima tamién conocida como Chechu Rubiera. Nesi mesmu llugar van celebrase les Fiestes del Corderu’l viernes y el sábadu.
