El domingu fíxose públicu nun diariu nacional un artículu robláu por Alfredo Ignacio Álvarez Menéndez y los hermanos Ramón y Vital d’Andrés. Ésti entitúlase ‘La sociedá ante la llingua: compromisu y futuru’ y analiza la situación del idioma.
El XXII Premio Xeria de Narracióis Curtias en gallego-asturiano foi pa Laura Fernández Alonso. La escritora de La Espina ganó’l concursu lliterariu decanu de los que s’entamen na llingua del occidente del país col rellatu ‘Úa tarde circo’.
Per quintu añu consecutivu, dende qu’Asturies entamó a tener presencia nel IX Liet International, Radio Sele va tresmitir en direutu’l festival européu de llingües minorizaes. Ésti va principiar a les 21.15 hores del sábadu.
Xabiero Cayarga fai doblete nos Premios Críticos de les Lletres Asturianes de la XDLA. Ganador del gallardón na estaya de poesía, el xuráu responsable de fallar el de narrativa concediólu al cangués pola so obra ‘El sol negru de Wewelsburg’.
El vienres próximu, 30 de payares, ye’l día caberu pa que la xente interesao entregue’l so rellatu pa participar nel XI Concursu de Narraciones Curties Conceyu de Llaviana. El primer premiu ye de 400 euros y el segundu, de 150.
L’historiador Pablo Rodríguez Alonso consiguió’l Premiu Críticu de les Lletres Asturianes na categoría d’ensayu pol so estudiu sobre’l discursu del diariu Voluntad. La XDLA entama esti gallardón pola ausencia del idioma nos Premios de la Crítica.
La XDLA dio a conocer esti miércoles la obra ganadora del Premiu Críticu de les Lletres Asturianes na so estaya de poesía. ‘La ñeve del cuquiellu’, de Xabiero Cayarga, foi la obra escoyida por unanimidá pol xuráu del gallardón.
Esti martes tuvo llugar el I Congresu del Conceyu Universitariu pol Asturianu (CUPA) tres seis años d’actividá reivindicativa na universidá asturiana. L’estudiante Borja González Cantora sustitúi na presidencia del coleutivu a Inaciu Galán.
‘La mio hermana ye una mofeta’, de Berta Piñán, llevóse’l Premiu Críticu de les Lletres Asturianes na categoría de lliteratura infantil y xuvenil. Esti gallardón creólu la XDLA pa cubrir l’ausencia del idioma nos Premios de la Crítica de l’AEA.
La única radio qu’emite dafechu n’asturianu, Radio Sele, ta pasando per problemes económicos graves que-y compliquen el pagu del llocal y afrontar los sos gastos. Por esti motivu pide sofitu económicu pa siguir coles sos actividaes.
‘Carne de melandru’, de Milio Rodríguez Cueto, llevóse’l Premiu María Xosefa Canellada de Lliteratura Infantil y Xuvenil d’esti añu. El xuráu decididióse, por unanimidá, por esta obra del xixonés ente les seis candidates.
La Xunta pola Defensa de la Llingua Asturiana (XDLA) reclama al Gobiernu y a los conceyos más compromisu p’asegurar la estabilidá de los Servicios de Normalización. Pal 2013 habrá recortes nos presupuestos pal so caltenimientu.
La propuesta de dar clase d'asturianu a los parllamentarios na Xunta Xeneral nun tendría munchu poder de convocatoria, según los usuarios d’Asturies.com. Un 56 por cientu cree que namái acudiría “un númberu reducíu” de diputaos.
La Xunta pola Defensa de la Llingua Asturiana (XDLA) entama un cursu d’asturianu básicu n’Uviéu que principia'l llunes. Ésti ta dirixíu, sobre manera, a persones adultes que quieran garrar un bon nivel del idioma, tanto a nivel oral como escritu.
La decisión de l’Asociación d’Escritores d’Asturies de retirar la categoría d’asturianu nos XIII Premios de la Crítica lleva a la XDLA a convocar, de manera esceicional, unos gallardones propios. Éstos van tener cuatro categoríes.
La coedición de ‘Tirant lo Blanch’ n’asturianu de l’Academia de la Llingua Asturiana y l’Acadèmia Valenciana de la Llengua, yá ye una realidá. Esti miércoles presentóse la torna fecha por Pablo Suárez García de la obra de Joanot Martorell.
El rector de la Universidá d’Uviéu, Vicente Gotor, inauguró esti martes les XXXI Xornaes d’Estudiu de l’ALLA. Na so intervención recalcó’l so compromisu de “da-y valir” a la llingua asturiana “dientro del marcu llegal establecíu”.
Les XXXI Xornaes Internacionales d’Estudiu de l’ALLA van inaugurase esti martes cola presencia de Vicente Gotor. Per tres díes, dellos espertos van dar ponencies y protagonizar comunicaciones alredor del asturlleonés.
El Serviciu de Normalización Llingüística de Corvera entama’l seminariu ‘Llingua y sociedá asturiana’. Ésti va celebrase dende esti llunes hasta’l 19 d'avientu nel Centru Sociocultural de Les Vegues.
El senador Jesús Iglesias anunció esti miércoles que’l grupu políticu d’Izquierda Xunida na Cámara alta va pidir una partida pa l’ALLA nos Presupuestos Xenerales del Estáu. Tamién va entrugar polos incumplimientos en materia toponímica.
