Carlos Pulgar, Vítor Suárez, Félix Fernández y Dolfu Camilo Díaz participaron na charra ‘Llingua asturiana güei. Perspectives de presente y futuru’ entamada pol Atenéu N’Alfoz. El papel del idioma nel enseñu y la oficialidá foron temes d'alderique.
Ciudadanos d’Avilés, Castrillón, Corvera y Illas tán acabantes de poner en marcha una entidá cívica centrada en cuestiones culturales y llingüísticas, l’Atenéu N’Alfoz. Esti xueves entamen una charra sobre’l presente y el futuru del asturianu.
En castellanu y n’inglés. Éstes son les dos llingües nes que se pue visitar la versión nueva de la web de la Universidá d’Uviéu. Vicente Gotor confirmó al CUPA que l'ausencia del asturianu débese a un retrasu na torna de los conteníos.
El 29 d’abril va principiar la XXXIV Selmana de les Lletres Asturianes, que nesta ocasión va tar dedicada a Nené Losada Rico, escritora que finó nel 2009 a los 87 años. Cultura va estender esta edición al teatru, la música y la gastronomía.
La Xunta pola Defensa de la Llingua Asturiana (XDLA) entama un cursu d’afondamientu llingüísticu destináu a persones adultes nel so llocal d'Uviéu. Ésti va principiar el 8 d’abril, con clases tolos llunes y miércoles.
L’Executivu yá non sólo nun fai nada pol asturianu, sinón que castellaniza lo poco que tien denominación nel idioma del país. La XDLA ta acabante d’alertar del cambiu del nome y del logotipu de l’Axencia Asturiana de Cooperación al Desarrollu.
El xefe de Gabinete de la Delegación de Gobiernu n’Asturies, Alberto Mortera, aconceyó per dos hores con Iniciativa pol Asturianu. Comprometióse con esti coleutivu n’asuntos de toponimia, educación y presupuestos.
Ana González nun tien en mente dar pasos alantre no que respeuta a la situación de la Llingua Asturiana na educación. Na reunión colos docentes confirmó que la so intención ye dexar l’asignatura “polo menos como taba hasta agora”.
Un 84 por cientu de los usuarios d’Asturies.com aseguren que miren l’usu que se fai del asturianu a la hora de mercar un productu o serviciu. La utilización del idioma pue ser un reclamu pal consumidor, como amuesen delles esperiencies.
El Conceyu Universitariu pol Asturianu (CUPA) cree que’l rector, Vicente Gotor, ha d’amosar una postura nidia énte la entrada de la LOMCE. Reclama-y un apoyu a los docentes d’asturianu y qu’esixa la reconocencia de la especialidá.
Hasta’l 22 de marzu va caltensese abiertu’l plazu pa formalizar la inscripción pal taller de llectura n’asturianu qu’entama la Mancomunidá de la Sidra en Colunga. Les sesiones van principiar n’abril y los participantes van lleer una obra al mes.
La carretera nueva que sirve d’enllaz a l’Autovía del Cantábricu (A-8) per Lieres incorpora cartelos con topónimos non oficiales de Parres y Piloña. Iniciativa pol Asturianu acusa d’esta situación a la Direición Xeneral de Carreteres.
Esti miércoles va principiar el Cursu Básicu de Llingua Asturiana de baldre qu’entama’l Conceyu de Corvera. Esi mesmu día ye’l caberu pa formalizar la inscripción nel Centru Sociocultural de Les Vegues.
Alredor d’un centenar de persones axuntáronse baxo la lluvia n’Uviéu pa reclamar dignidá pa la materia de Llingua Asturiana nel sistema educativu. Los maestros van treslladar les sos demandes el xueves a la conseyera Ana González.
El partíu ecoloxista Equo defende’l derechu a escolarizar n’asturianu y considera que la sociedá asturiana sofita la oficialidá del idioma. Esti xueves, los maestros van concentrase pa protestar contra la precarización de la materia pola LOMCE.
L’oru olímpicu en ciclismu en ruta en Beijing 2008 y líder del Euskaltel-Euskadi, Samuel Sánchez, mostróse favoratible a la oficialidá nel programa de radio d’Iniciativa pol Asturianu. “Nun hai que dexar que muerra” l’idioma, afirmó l’uviedín.
El 15 de marzu ye’l día caberu pa presentar la documentación necesaria p’aspirar a una beca de formación convocada pola Oficina de Normalización Llingüística de Xixón. Ésta ta dotada en 6.000 euros y termina’l 31 d’avientu d’esti añu.
La situación nueva na que s’atopa la materia de Llingua Asturiana nel tercer anteproyeutu de la LOMCE nun ye garantía pa la so presencia digna na educación, según la XDLA. El coleutivu llama a participar na concentración del xueves.
El Gobiernu decidirá qué papel va tener l’asturianu nel sistema educativu cola entrada de la Llei Wert. El tercer anteproyeutu de la LOMCE dexa güecu a les llingües non oficiales con reconocimientu xurídicu y presencia na educación.
Los trabayadores de la RTPA recibieron el 18 de febreru un documentu que prohibe l’usu de pallabres asturianes y prioriza los topónimos castellanos, según desveló Iniciativa. Neses feches, Antonio Virgili dirixóse con bones pallabres a la XDLA.
