Skip to content

Llingua asturiana

16-12-2013

La presencia de Vicente Gotor, rector de la Universidá d’Uviéu, foi la nota más destacada de la entrega de los Premios Lliterarios 2013. Los gallardonaos amosaron nos discursos el so amor hacia la tierra y la llingua asturiana.

13-12-2013

El paraninfu de la Univesidá d’Uviéu va acoyer esti vienres la entrega de los Premios Lliterarios 2013. La conseyera Ana González va ausentase un añu más del actu, yá que va participar na inauguración del espaciu nuevu d’una galería.

13-12-2013

La novela gráfica ‘La Chelita’ resultó escoyida como meyor llibru n’asturianu del 2012 polos miembros de la Tertulia Malory. El so autor, Ruma Barbero, va recoyer el gallardón na tarde del vienres nel pub entreguín Tom Malory.

12-12-2013

El centru comercial Caudalia y la editorial Bruño van ser gallardonaos col pegollu de los XXIX Premios Andrés Solar que va entregar la XDLA en Xixón el día 21. La madreña de purpurina va recibila la empresa Paradores de Turismo.

04-12-2013

L’ALLA adelantó los datos de la investigación fecha por Isabel Hevia sobre’l valir cultural y educativu que-y atribuyen al enseñu del asturianu los direutivos de los centros públicos de Primaria. Los resultaos son “contundentes”, según Ana María Cano.

02-12-2013

“Les instituciones tán obligaes a mantener la cultura asturiana y les investigaciones sobre Asturies”, afirmó Xosé Nel Riesgo na presentación del númberu 33 de la revista ‘Asturies’. Demandó “más sofitu y ayuda institucional” pa Belenos.

29-11-2013

‘L’espeyu onde miranos: televisiones de proximidá n’europa Occidental y procesos de recuperación identitaria’ resultó escoyíu por unanimidá como’l trabayu merecedor del VI Premiu Fierro Botas. El so autor ye Damián Barreiro Maceiras.

28-11-2013

Pablo Rodríguez Medina y Beatriz Redondo Viado completaron la nómina de ganadores de los Premios Lliterarios 2013. El de L’Entregu llevó’l XXXIV Xosefa Xovellanos de novela, mentes que la naveta ganó’l XIX Máximo Fuertes Acevedo d’ensayu.

25-11-2013

La XDLA presentó’l sábadu’l ‘Informe sobre la necesidá d’una programación infantil n’asturianu en TPA’. “Ye la única canal d’Europa que nun tien programación infantil na llingua propia”, llamentó Carlos Pulgar, voceru de la organización.

21-11-2013

Xosé B. Álvarez, representante de Rellaciones Internacionales d’Iniciativa pol Asturianu, va tar presente’l sábadu en París pa participar na xunta xeneral d’ELEN. Esta ONG de carauter européu trabaya pa defender les llingües minoritaries.

21-11-2013

El tercer gallardón de los Premios Lliterarios 2013, el V Alfonso Iglesias de cómic, foi pa Alfonso Zapico gracies a la so obra ‘Cuadernos d’Ítaca’. El dibuxante residente en Francia ganara l’añu pasáu’l Premio Estatal de Cómic con ‘Dublinés’.

19-11-2013

El poemariu ‘Superficie de silenciu’ del xixonés Ricardo Candás resultó la obra ganadora del XIX Premiu Xuan María Acebal de poesía. Ésti ye’l segundu gallardón que falla la conseyería, yá que Marisa López Diz llevó’l de lliteratura infantil.

18-11-2013

Tres 8 años d’incumplimientu sistemáticu de los decretos toponímicos por parte de l’Alministración, la XDLA tien previsto esplorar víes alministratives o xudiciales pa facer cumplir la llexislación. Denuncia la paralización del de Santu Adrianu.

15-11-2013

La Casa Natal del Padre Galo en Cadavéu (Valdés) acueye el 16 de payares la "V Xunta d’Escritores en L.lingua Asturiana". Va cuntar con un interesante programa d'actividaes, destacando l'análisis del asturianu nos medios de comunicación.

13-11-2013

Esta selmana va aprobase la segunda llei de reforma del sector públicu que va afectar sobremanera a la RTPA. La XDLA cree que tien que valir pa recoyer el papel fundamental de la televisión nel procesu de normalización social del idioma.

12-11-2013

La organización del FICXixón camuda'l nome de dos de les sos secciones más importantes, Esbilla y Llendes, que van pasar a llamase Gran Angular y Límites respectivamente. La XDLA califica la decisión como ‘cosmopaletismu’.

11-11-2013

Un alumnu de la Facultá de Maxisteriu recibió una llamada de la Secretaría de la entidá increpándolu por presentar unos documentos n’asturianu. Según dixo la trabayadora de la Facultá, elles “nun tienen por qué saber bable.”

07-11-2013

El cursu va tener llugar los díes 9, 16 y 23 de payares, nel llocal de L’Ensame n’Avilés. El oxetivu será ufiertar un marcu teóricu y prácticu qu’aide a la formación de los interesaos en recuperar la toponimia tradicional d’Asturies.

05-11-2013

El día 8 de payares va celebrase el IV Día de les Ciencies Asturianes, coles mires d'averar la ciencia a los estudiantes dende l'espardimientu y promoción de la llingua asturiana. Va tener llugar a les 11 hores nel Teatru de la Llaboral.

05-11-2013

La presentación de la revista ‘Lletres Asturianes 109’, na so edición dixital, y del tercer númberu de ‘Ciencies’ va servir d’aniciu a les XXXII Xornaes Internacionales d’Estudiu. Esta actividá de l’ALLA va tener llugar n’Uviéu del 5 al 7 de payares.