Si tien Vd. una boda,
cumpleaños, nacimientu,
comida d'aniversariu,
despedía de solteru
u otra cellebración,
ensin gastáse ni un duru
pue quedar como un señor
colos Ripios Caleyeros
que se faen nesta sección.
Pongáme Vd. munchos datos
-cuantos más, será meyor-
de a quién-y van dedicaos
los ripios que m'encargó
Por Pilar Sánchez Vicente
y nun s'olvide indicame
el nome, la profesión,
el tamañu los zapatos,
de los güeyos el color,
si se xubila o se casa,
si come o ye bebedor,
si ye gastizu o tacañu
les putaes que-y armó
y asina tolos datos
que quiera faer alusión
nel corréu que ta abaxu.
Y ensaye pronunciación
que meyor ye lleelos n'altu.