Rosa Rodríguez, de La Guarida del Cunqueiru, ye la Muyer Rural d'Asturies 2022

|
Rosa Rodríguez González de La Guarida del Cunqueiru

Va recibir el reconocimientu'l 15 d'ochobre en Rusecu nos actos que s'entamen con motivu del Día Internacional de les Muyeres Rurales.

El quintu gallardón de Muyer Rural d'Asturies viaxa a Trabáu. Rosa Rodríguez, responsable de La Guarida del Cunqueiru, llugar comprometíu con esta tradición del suroccidente asina como de la música y la llingua del país, resultó escoyida pol xuráu ente otres 28 candidatures presentaes.

Valoraron el so enfotu en caltener y dar a conocer la cultura de los cunqueiros, o tixileiros, y por dinamizar el territoriu dende'l so proyeutu. "Rosa y la so guarida cunqueira nun ye namái una tienda, ye una apuesta dedicada a la conservación d'una cultura tradicional con un importante componente de diversidá que ye quien a seducir y atrayer l'atención d'un públicu que los visita dende cualquier llugar de la xeografía nacional, inclusive europea", apunten dende la Rede Asturiana de Desarrollu Rural (Reader), nesti pueblu de Degaña de 25 habitantes.

Esti gallardón tien en cuenta'l trabayu, esfuerzu, entamamientu, dedicación y trayeutoria de les muyeres rurales del paíes que vivan y trabayen en conceyos rurales beneficiarios d'ayudes LEADER. Les ganadores nes cuatro primeres ediciones foron Isabel Álvarez Rodríguez (Ibias), Josefa Vega (Carreño), Ana Inmaculada Adeba (Villayón)  y Ana Labad (Colunga).

Contador Estadistiques