La Estaya de la Llingua d’Avilés tien en marcha tres campañes de promoción del asturianu

Nestos momentos, la Estaya de la Llingua d’Avilés tien en marcha tres campañes de promoción del asturianu. Una d’elles, que comparte con otros siete conceyos, ta destinada a la mocedá col eslogan ‘Ruempi col machismu’.
 
Esta campaña contra’l machismu consiste nel repartu de camisetes, chapes y cartelos col lema ‘Na igualdá tas que ruempes: ¡Ruempi col machismu!’. Nel casu de los neños y neñes de Primaria, van repartise pegatines y un decálogu del xuguete non sexista col lema ‘Na igualdá nun quedes fuera xuegu’. Taamién pa los más mozos ta destinada otra campaña de la Estaya de la Llingua d’Avilés: El mio primer vocabulariu. Trátase de la segunda parte de la iniciaiva del 2010, que consistió en 6 modelos de cartelos diferentes con vocabulariu básicu n'asturianu rellacionáu cola fauna, la flora, la ropa, la casería y les estaciones del añu. Agora complétase con unes mariquites col vocabulariu de la ropa y unos roscos colos nomes de dellos animales.
 
Otra manera, esti llunes pasáu, Día de la Llingua Materna, el serviciu de normalización llingüística avilesín repartió peles panaderíes del conceyu bolses pal pan en conmemoración de les dos feches más representatives pa la llingua del país. El 6 de mayu, Día de les Lletres Asturianes, va continuase cola entrega d’un total de 8.000 bolses.

Comparte...                                    

Enllaz permanente